_banat
^

Banat Opinyon

Dagway sa panulay

JAV BANATI - Javier Yntig Tapulado - Banat

Linog. Bagyo. Lunop. COVID-19. Mga dagkong pagsulay sa kinabuhi nga hasta kapila na nato masaksihi’g masinati. Daghang nangamatay. Ug suwerte ang nahabiling nakaipsot sa dili magpahibalong kamatayon.

Apan bisan pa niining pagpanguhit nga gikan sa atong Magbubuhat, kinabag-an kanato, nagpabiling bungol sa Iyang mga mensaheng gihunghong sa mga katalagman.

Sama niining COVID-19 nga matod pa ni Cebu Gov. Gwen Garcia, ang dagan sa pagpanakod matag karon ug unya morag roller coaster. Motaas, moubos. Unya moubos, motaas! Matang sa duwa nga naghatag kanato’g ideya unsaon paggakos ang mga ups and downs sa atong kinabuhi nga gimugna ning mousa ka tuig kapin na nga makalilisang pandemiya sa tibuok kalibotan.

Diha sa pagsakay og roller coaster mao kini atong mabati: kahadlok, kakulba, kahinam ug kamaya. Kon ang kahadlok ug kakulba maoy mopasulabi sa imong dughan, pilde ka na daan. Seguradong dili ka gayod malingaw. Pero kon ang kaisog ug kahinam maoy mohari sa galamhan, ang kahadlok mahanaw. Ug mopatigbabaw ang grabeng kalingaw.

Ning atong pagpakigkombati sa COVID-19, sama ra nga nagsakay sab tag roller coaster, diin kita gipapili asa bay mas maayong huptan: kaisog o kahadlok? Ug nakat-on ba kita?

Ang NIATF sukad pa sa sinugdanan, nagpadayon sa pagpanghadlok sa katawhan diha sa ilang pagpailaila unsa kakuyaw ang COVID-19 ug ang namugna niining variants nga mas deadly pa kuno kay sa nahauna.

Unya mihimog health protocol nga tungod sa kakulang sa kalig-on, kalit lang mag-usab-usab, diin nakapaduhaduha hinuon sa katawhan, kon ang NIATF angay pa bang sundon, o dili?

Pero angay ba silang sawayon-awayon ning ilang mga depektosong dinad-an? Angay hinumdoman. Ang NIATF maoy gihatagan ni Tatay Digong og todong otoridad pagdala sa manobela diha sa atong pagpakiggubat sa COVID-19. Kon may kapalpakan man sila, sila gihapoy masunod.

Dili karon panahon sa pagpunayg panaway kon may nakita man kitang mga panagway sa panulay sa atong nasud. Kon dili, panahon karon nga kitang tanan magkahiusa sa pag-ampo: “Ginoo, ayaw kami itugyan sa mga panulay. Hinunoa, luwasa kami sa tanang daotan.”

Kay kini mao ang mensahe nga gipadala sa Ginoo ni Covid-19, diin sa Salmo 50:15. Siya misaad: “Sangpita Ko panahon sa katalagman, luwason tamo ug dayegon Ko ninyo.”

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with