_banat
^

Banat Opinyon

Maayo na si Labella

RENBOR PATROL - Rene U. Borromeo - Banat

Nakalitan ko pagkasayod nga na-ospital si Mayor Edgardo Labella tungod sa pneumonia.

Apan giingnan ko ni City Administrator Floro Casas nga maayo na ang mayor, ug basin makagawas na gani kini sa ospital karong adlawa, o kaha ugma.

Gisuwat ko kini aron masayod ang mga dumadapig ni Mayor Labella sa kahimtang sa atong mayor sa siyudad, ug aron dili na sila mabalaka.

* * *

Ang akong nahibaw-an nga magpa-reelect si Mayor Labella para sa eleksyon sa sunod tuig. Pero nadunggan nako nga dili na makigparang kaniya pagbalik si kanhi mayor Tomas Osmeña.

Tunog kaayo sa City Hall nga si Kongresista Rodrigo Bebot Abellanosa na ang modagan pagka mayor sa dakbayan sa Sugbo sa kampo sa BOPK.

Unya, si Tommy kuno, mao na ang modagan sa pagka kongresista sa south district nga puli ni Abellanosa kay di na siya gustong makig-return bout ni Labella.

Aw, lig-on gyud hinuon si Tommy kon ang pagka kongresista sa south district ang iyang daganan, ug kinahanglan nga ang kampo nilang Labella mangita gyud og lig-on nga ikaparang kaniya.

Ambot, kay dunay miingon nga si Vice Mayor Mike Rama usa sa gitan-aw nga padaganon pagka kongresista sa south district.

Apan may suod sab ko sa kampo ni Labella nga mitug-an nako nga ang pagkabise mayor gyud ang daganan ni Rama.

Gani, pananglitan kuno’g gigapoy na si Labella nga mag-mayor, andam usab si Rama nga maoy molansar pagka mayor.

Aw, huwaton nato kay pagka karon, pabiling hilom pa ang duha ka kampo. Hinoon, ang pagsang-at sa mga certificates of candidacy unya pa man sa Oktubre 1 ngadto sa 8.

* * *

Akong klarohon nga sugod karong Agosto, ipatuman na sa MCWD diha sa Mandaue City ang balaod nga habwaan ang mga pansayan nga subra na sa tulo ngadto sa lima ka tuig nga wa mahabwa-i.

Ang tumong niini aron nga ang mga hugaw sa septic tanks dili makamugna’g kahugaw sa tinubdan sa atong tubig ilawom sa yuta.

Nindot ang tanyag sa MCWD, kay kadtong ang ilang mga konsumidor sa tubig, mahimong pahabwaan nila ang ilang septic tanks ug data-data ra ang pagbayad sulod sa lima ka tuig.

Ang bayranan sa hugaw nga mahabha nga dili molapas sa 13 ka baril, (2.8 cubic meters) P3,160 ra ug kon bahinon nimo kini sa 60 ka bayranan sa lima ka tuig, barato ra kaayo ang madugang sa inyong binuwan nga bayranan.

Hinuon, kadtong mga dili konumidor sa MCWD, one- time payment ang ilang himoon, apan barato ra gihapon. Sige na, kontaka na ninyo daan ang MCWD aron nga makatampo kamo sa kalimpyo sa tinubdan sa atong tubig.

EDGARDO LABELLA PNEUMONIA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with