_banat
^

Banat Opinyon

EDITORYAL - Booster shot na dayon?

Ian B. Melecio - Banat
EDITORYAL - Booster shot na dayon?

Gipahibalo sa gobiyerno nga dunay umaabot nga mga dugang doses sa nagkalain-laing mga bakuna batok Covid-19 dinhi sa Pilipinas. Usa kini ka maayong balita para sa mga Pilipino.

Apan daghan pa gani ang wala pa makadawat og unang dose sa bakuna, duna nay nanggawas nga mga balitang ikatulong dose o gitawag sa uban nga “booster shot.”

Gani dunay usa ka magbabalaod didto sa kaulohan ang mibutyag nga kaupat na gani siya nabakunahan sukad niadtong Disyembre. Siya kaupat na, apan milyones pa ka mga Pilipino ang wala pay bisan usa ka dose. Gituki na karon kung kinahanglan pa ba o dili ang booster shot. Ang mga tawo nagsige na og hisgot niini apan tingali agi og respeto niadtong mga nagpaabot palang og unang dose dili lang una maghisgot aning booster shot.

Maayo tingaling ayha kini hisgutan sa gobiyerno ug sa publiko, siguraduhon nga mabakunahan sa ang tanang target nga bakunahan sa gobiyerno.

Gipaninguha sa gobiyerno nga mabakunahan ang 70 milyones ka mga Pilipino karong tuiga aron makab-ot ang gitawag og herd immunity.

Ang nahibiling kapin sa 30 milyones kadaghanan gilangkoban sa mga kabataan kumpletohon sa mosunod nga tuig. Importante kini tungod kay ang kabataan maoy paglaom sa nasud.

Ang angay tutokan sa gobiyerno mao ang seryusong pagpasunod sa mga tawo sa minimum health protocols sa tanang panahon ug ang pagsigurong walay hunong ang pagabot sa mga bakuna aron mabakunahan ang tanan.

Kinahanglang pangusgan pa sa gobiyerno apil mga lokal nga kagamhanan ang ilang kampanya pag-agni sa mga tawo nga magpabakuna gyud.

Kini tungod kay bisan gani kadtong kompleto na og bakuna gikinahanglan pa gihapong pasuoton og face mask sa publikong mga lugar ug kinahanglang mosunod sa health protocols, nangahulogan kini nga dili makapakgang ang bakuna kun kini motakod ni bisan kinsa, nabakunahan man o wala basta magpabaya.

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with