Cebu City nakadawat highest remarks gikan sa COA

Nasayod na tingali kamo niini kay gi post man kini sa Facebook ni Mayor Edgar Labella ug napatik sa The Freeman. Usa ka dakong balita. Ambot pila lang kaha ka local government sa tibuok nasud ang nakadawt og samang acclamation ug exaltation gikan sa istrikto kaayo nga government auditor, ang Commission on Audit (COA).

Imagine, sukad na-chartered ang Dakbayan sa Sugbo sa tuig 1937 (makahuloganon kaayo kini alang kanako kining maong tuig), karon pa makadawat ang dakbayan sa maong pasidungog nga naghulagway sa katarong sa pag-manage sa panalapi ubos sa administrasyon ni Labella.

Sa ato pa, walay corruption, walay overpricing, walay pagkwentahay pilay nasulod sa pribadong bulsa nga komisyon, sukwahi sa gisangyaw sa pipila ka mga kritiko nga kuno naduhig sa korupsiyon ang adimistrasyon ni Labella.

Ania ang ‘unmodified opinion’ sa COA:  “The city’s financial statements present fairly, in all material respects, the financial position of the City of Cebu as of December 31, 2020, and its financial performance, its cash flows, and its comparison of budget and actual amounts for the year then ended in accordance with International Public Sector Accounting Standards (IPSAS),” suma pa ni COA State Auditor V Maria Daisy Bercede.

So, sa tanang aspect sa pagdumala sa finances sa dakbayan, nakapasar ang dakbayan with flying colors, and with highest salutation and ovation from the government’s corruption watchdog.

Sa iyang bahin, nakabasa na tingali mo niini sa Facebook, si Labella nagkanayon: “I am very happy that we were able to receive this unmodified opinion from COA in our first term of office as mayor. And this happened while we were in the thick of the COVID pandemic last year.”

Bitaw, ania kita taliwala sa pandemic, yet, nagmalampuson ang dakbayan sa mga paningkamot nga mahisubay sila sa mga lagda sa COA, kining gitawag nga International Public Sector Accounting Standards (IPSAS).

Dugang niini, despite sa mga disruptions gumikan sa pandemic,  matud ni  City Administrator Floro Casas, ang dakbayan nakapa-usbaw sa  mga assets niini, ug mihikyad sa pipila ka accomplishments sama sa mga “roads and drainage improvements sa nagkalainlaing barangay, construction ug  improvement sa mga multipurpose buildings, evacuation centers, school buildings, hospital ug dormitory, ug installation of digital traffic system.”

Ang COA mi-highlight usab nga ang dakbayan naka-accomplished og 16 ka infrastructure projects, uban sa 13 ka ongoing nga ang kinatibuk-an mi-total og P242,287,497.67.

“Grabe ang among paningkamot nga ma-ontime ang among pag-submit sa report, we operated  only at 25% manpower, we had to do overtime,  matud ni City Accountant Jerome Ornopia.

Si City Treasurer Mare Vae Reyes mi-attribute niining maong kalampusan ngadto sa coordination uban sa mga departamento sa dakbayan, ug kining iyang gitawag nga open communication among department heads.

So, wala kitay angayan kabalak-an, kon maoy hisgutan how the city is being managed, “the city is in good hands, matud ni Casas. 

Akong usbon, nga sukad sa pagkahimugso sa dakbayan, mga 84 na ka tuig nga milabay, karon pa kita makatilaw niining maong mga pagdayeg ug pasidungog gikan sa Commission on Audit.

Congratulations Mayor! Congratulations Cebu City!