_banat
^

Banat Opinyon

Nigawas gyud ang tinuod

RENBOR PATROL - Rene U. Borromeo - Banat

Daghan kaayong nanaway sa administrasyon ni Cebu City Mayor Edgardo Labella kay kuno napuno sa kurakot ug ubang kahiwian sa pagdumala sa kagamhanan.

Matud pa sa mga kontra ni Mayor Labella nga giwaldas ra sa mga sakop ni Labella ang kwarta nga gibilin sa kanhi administrasyon.

Apan karon, napamatud-an nga ang administrasyon ni Mayor Labella mao pa gani diay ang nakakuha og labing maayo nga pagpadagan sa kagamhanan dinhi sa siyudad.

Ang mga financial transaction sa kagamhanan, apil na ang Cebu City government, himoan gyud og audit sa mga state auditors gikan sa Commission on Audit.

Wa sila’y kukahadlok nga mobutyag sa ilang mahibaw-an kon giunsa sa mga opisyal sa kagamhanan ang paggasto sa kwarta sa katawhan.

Human sa makuti nilang pag-audit sa mga financial transaction sa Cebu City government, giisyuhan sa COA og “Unmodified Opinion” ang administrasyon ni Mayor Labella.

Unsay buot ipasabot niini? Kon moisyu gani ang mga state auditors og “unmodified opinion” sa mga financial statements, nagpasabot kini nga ang mao nga ahensya sa kagamhanan, o kaha hingtungdan nga Local Government Unit, nituman gyud sa accounting standards nga gilatid sa Republic Act 1445, kun Government Accounting and Auditing Manual.

Sukad-masukad, karon pa sa administrasyon ni Mayor Labella nga ang Dakbayan sa SUgbo giisyuhan sa COA og “unmodified opinion.”

Sa mga tuig 2009 ngadto sa 2010 atol sa termino ni kanhi Mayor Tomas R. Osmeña, miisyu ang COA og “Qualified Opinion” nga sa ato pa, arang-arang og gamay, apan wa gyud hingpit nga nakatuman sa lagda sa COA.

Gikan sa 2011 ngadto sa 2016 atol sa administrayon ni kanhi mayor Michael Rama, ang COA miisyu og “Adverse Opinion” nga nagpasabot, dunay mga lagda sa COA nga wa tumana.

Sa 2017 hangtud 2019 atol sa pagbalik ni kanhi mayor Tomas Osmeña sa katungdanan, miisyu na usab ang COA og Qualified Opinion sa mga financial transactions sa iyang administrasyon.

Apan atol sa unang tuig pagbanos ni Mayor Labella sa siyudad, giisyuhan sa COA ang Dakbayan sa Sugbo og “Unmodified Opinion.”

Sa ato pa, bisan og karon pa nahimong mayor si Labella, apan natan-aw sa COA nga ang iyang administrasyon mituman gyud sa government accounting and auditing manual nga gilatid sa Republic Act 1445.

Matud ni Mayor Labella nga iya gyud nga prinsipyo nga tumanon gyud ang mga lagda kabahin sa paggasto sa kwarta nga gikan sa buhis sa katawhan.

EDGARDO LABELLA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with