_banat
^

Banat Opinyon

EDITORYAL - Nganong secondhand

Ian B. Melecio - Banat

Matag dunay mahagsa nga abyon sa Philippine Air Force way laing naa sa mga hunahuna sa mga tawo mao nga secondhand, panahon pa ni Mampor ang abyon, ug uban pa nga pulos tanan kuwang o wala gyu'y mga basihanan.

Dili tanan sa publiko ang eksperto sa abyon, labaw na sa mga proseso kun giunsa kini pagpalit sa gobiyerno.

Daghan dayon ang nanaway nganong secondhand pirme maoy paliton, sundan pa og mga pasangil bahin sa kurapsyon, kickbacks, gibulsa ug uban pa.

Kanus-a pa man nawagtang ang kurapsyon? Dili naman kini bag-o kay kaniadto pa, pirme naman ng naa nga mga kurapsyon.

Apan kurapsyon lang ba gyud pirme ang hinungdan? Unsa may kurakuton kun wala gani pundong gigahin?

Ang AFP Modernization Law niadto pang panahon ni kanhi presidente Fidel V. Ramos, apan sa panahon lang ni kanhi presidente Noynoy Aquino nakasugod human gipaamendahan kining maong balaora.

Kun si Ramos gani nga kanhi AFP chief of staff, dayon nahimong DND secretary ayha pa nahimong presidente naglisod sa pagpangita og pundo para sa modernisasyon, wala sa iyaha o sa mga presidente ang problema.

Ang pundo kinahanglang adunay pagtugot gikan sa Kongreso ug sila sab maoy mobutang niini sa National Annual Budget. Human kini mapasar ayha pa mo-release ang Department of Budget and Management sa gikinahanglang pundo.

Ang pangutana bahin sa nganong secondhand, ang Kongreso ray makatubag.

Nasayod ang AFP sa ilang gikinahanglan ug ang Kongreso maoy mosigurong magahinan kini og pundo.

PHILIPPINE AIR FORCE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with