_banat
^

Banat Opinyon

Dalaygon nga buhat

RENBOR PATROL - Rene U. Borromeo - Banat

Nindot ang gihimo sa grupo nga nag-awhag ni Davao City Mayor Sara Duterte nga palansaron siya pagka presidente sa nasud kay wa gyud sila makahasol sa katawhan, ug hinoon, nakatabang pa sila sa mga kabus.

Kanunay nako nga mapaminawan sa radyo DYLA, ug mabahasan sa social media, nga ang grupo ni Dr. Winley Dela Fuente kanunay’ng mosuroy sa kalungsuran sa Cebu kada Sabado ug Domingo.

Magdala sila og daghang sinakong bugas nga tag lima ka kilo ug ipanghatag nila kini ngadto sa mga pobre, ilabi na kadtong ilang masugatan ug makita gyud nga nanginahanglan og tabang.

Si Dela Fuente nga maoy deputy secretary general sa Duterte PaRin Movement ug Run-Sara-Run dinhi sa tibuok Visayas, wa makauyon sa gihimo sa ubang grupo nga naghimo og motor caravan sa miaging semana.

Matud ni Dela Fuente nga kon dunay gusto nga motabang pag-awhag sa anak ni Presidente Duterte nga molansar kini pagka presidente sa eleksyon karong sunod tuig, mas maayo pa nga tabangan nila ang mga pobre, dili kay mohimo sila’g motor caravan nga makapahasol sa katawhan.

Husto gyud kaayo si Dela Fuente. Ang paghimo og motor caravan makamugna lang og traffic ug maglagot na hinoon ang katawhan. Kon manghatag sila og bugas, daghan pa nga mga pobre ang malipay.

* * *

Pero pagkakaron, bisan og daghan kaayong grupo sa tibuok nasud nga nag-awhag ni Inday Sara Duterte nga modagan siya pagka presidente, nagpabiling hilom ang anak sa presidente.

Kaniadtong Sabado, nahinabi nako ang mga masahistang buta sa usa ka mall ug gipangutana nako kon para kanila kinsa ang maayong suportahan kon sila si Inday Sara ug Senador Manny Pacquiao parehong molansar pagka presidente.

Pareho ang ilang tubag. Moabiba sila ni Manny Pacquiao kon away sa boksing ang hisgotan. Pagakpakan nila ang giila nga “pambansang kamao” apan kon ang pagdumala sa nasud ang hisgotan, dili sila mosuporta.

Ang usa ka buta mihimo’g nindot kaayo nga pananglitan. Ang nasud kuno isipon nato nga usa ka bus, unya ang mga gustong mag-presidente maoy pilian nato nga mo-drive sa bus.

Mosugot ba kita nga ang mo-drive sa bus nga atong sakyan, mao pa’y pagkat-on pagmaneho og sakyanan? Nakapahiyom ko nga namati, ug ang ubang buta nga iyang kauban misuporta nga husto ang maong baruganan.

Gihunahuna nako nga mas taas tuod og kinaadman si Inday Sara kon itandi kang Manny Pacquiao, ug may kasinatian na kini pagdumala og sa kagamhanan kay mayor man siya sa Davao.

RODRIGO DUTERTE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with