_banat
^

Banat Opinyon

Tan-awa nga way masakripisyo

RENBOR PATROL - Rene U. Borromeo - Banat

Dunay grupo dinhi sa Sugbo nga nag-awhag ni Davao City Mayor Sara Duterte-Carpio nga molansar pagka presidente sa eleksyon sunod tuig, naghimo’g caravan kaniadtong Domingo.

Nasayran nako nga ang nagpasiugda sa maong kalihokan mao ang grupo nga ISDA, kun “Inday Sara Duterte Advocacy” apan ang maong kalihokan makapasuko hinoon sa katawhan.

Awhagon nako ang kadagkoan sa grupong ISDA nga sa sunod mas maayo tingali nga makigtambayayong mo sa gitudlo nga deputy secretary general sa Visayas sa Run-Sara-Run ug Duterte PaRin movement.

Gitug-anan ko ni Winley Dela Fuente, ang deputy secretary general sa Visayas, nga way koordinasyon kaniya ang maong kalihokan ug nabalaka siya nga imbes makadani mo’g suporta sa katawhan, masuko na hinuon.

Nasayod ko nga daghang grupo karon nga nag-awhag ni Mayor Sara Duterte nga molansar pagka presidente, apan siguroa usab ninyo nga ang inyong kalihokan dili makasakripisyo sa katawhan.

Nagtuo ko nga makumbinser ra gyud si Mayor Sara pagdagan pagka presidente kay nakabantay ko nga daghan kaayo ang miawhag kaniya sa lainlaing dapit sa nasud nga padaganon siya sa pwesto.

Labaw pa ko nga nagtuo nga si Inday Sara maoy ituboy ni Presidente Duterte, kay iya gud kining anak, ug giingon nga “blood is thicker than water.”

Buyno, duna ko’y komentaryo kabahin niini, apan unya na lang kon mohukom si Mayor Sara nga magpapili sa labing taas nga elective position sa nasud.

* * *

Buyno, kay nakasugod na man ta paghisgot og politika, gibanhaw kaniadtong Martes dinhi sa Cebu ang politikanhong grupo nga gitawag og “Kugi Uswag Sugbo.”

Si kanhi mayor Alvin Garcia gihapon ang pangulo niini, ug ang iyang anak nga si Konsehal Raymond Garcia maoy iyang pangabaga.

Ang ubang opisyal niini naglangkob sa pipila ka mga konsehal. Pero gitug-anan ko ni Konsehal Raymond nga wa kini magpasabot nga ang KUSUG, makig-atbang na sa ubang grupo nga kaalyado karon sa PDP-Laban.

Mahimong magkaalyado ra gihapon sila sa Barug-PDP, ug sa gibanhaw usab nga Partido Panaghiusa, ang grupo kaniadto ni anhing Inday Nita Cortes Daluz, ug gibanhaw sa iyang anak nga si kanhi konsehal Joey Daluz.

Tan-aw lagi nako, alegre usab kaayo ang lokal nga eleksyon dinhi sa Sugbo, ilabi na kon makig-atbang si kanhi mayor Tomas Osmeña ni Mayor Edgar Labella nga magpapili kuno pag-usab sa katungdanan.

* * *

Buyno, karong adlawa, mora’g mobalik na pag-report sa iyang opisina si Mayor Edgar Labella kay napupos na man ang tulo ka semana niyang official leave of absence.

Unta, piskay na si Mayor Labella kay nakapahuway na man gyud siya aron makapadayon na siya sa mga gimbuhaton isip mayor.

SARA DUTERTE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with