Balik sa naandan

Moabot sa 275 ka milyon ka mga tawo sa tibuok kalibotan ang migamit sa ginadiling drugas sa miaging tuig bisan pa man sa COVID-19 pandemic. Misaka og 22 porsiyento ang maong gidaghanon gikan 2010. Balik sa naandan ang mga drug traffickers matud pa sa pinakauwahing tinuig nga taho sa United Nations mahitungod sa ginadili nga drugas sa tibook kalibotan.

Ang United Nations Office on Drugs and Crime (UNODC)’s World Drug Report 2021 nga naghatag og overview sa global drug markets ug sa epikto niini sa katawhan mahitungod sa ilang panglawas ug panginabuhi nagpakita nga ang merkado sa drugas kalit nga mibalik sa ilang operasyon human napalyar sa makadiyot tungod sa COVID-19.

Ang pagkapalyar sa makadiyot sa operasyon sa ginadili nga drugas maoy nagpabuto ug nagpukaw o nagpadali sa pila ka mga daan nga dinamiko nga pagpamaligya og drugas sa merkado sa tibuok kalibotan.

Pipila niini mao ang nagkataas ug nagkadako nga padala sa ginadili nga drugas, pagsaka sa kadaghan sa mga rota sa agianan sa tubig nga gigamit alang sa pagpamaligya, labi ka daghang pag gamit sa pribadong mga eroplano alang sa katuyoan sa pagpanaligya sa drugas, ug pagdako sa paggamit sa mga pamaagi nga walay kontrata aronmahatod ang ,mga druga sa mga konsumador.

Ang bag-o nga taho nagpadayag nga ang mga tigpamaligya sa druga dali nga nakabawi gikan sa ilang paghinay tungod sa mga lockdown ug ninglihok sa ngadto sa level sa wala pa ang pandemiya gamit ang teknolohiya ug cryptocurrency nga naglihok gawas sa naandan nga sistima sa panalapi.

Ang taho miingon nga sa milabayng 24 ka tuig ang cannabis potency misaka og upat ka higayon sa pipila ka bahin sa kalibotan bisan pa kun ang porsiyento sa mga batan-on nga nagtuo nga ang gidili nga drugas makadaut mius-os og kuwarenta porsiyento.

Kining maong gintang sa pagtuo mipatigbabaw bisan pa man sa mga ebidensiya nga ang paggamit sa cannabis nakakonektar sa nagkalainlaing matang sa sakit sa panglawas ilabi na gayod niadtong dugay na nga nag gamit og drugas. Kining maong taho dili ikalimod kay dakong tinuod.