Kaluoy sa mga mo-walk-in

Gumikan sa kakulang sa kaikag sa daghang mga tawo pagpabakuna, ang atong kagamhanan nangusog sa kampanya sa pagpabakuna. Pero sa samang higayon, daghan unta ang magpabakuna tungod kay dili sila kamaong magparehistro online ug wala silay sangkap sa mga gadget aron makatuman sa guideline nga kinahanglan magpa-rehistro una.

Ang uban mangutana, unsa man ning online, unsa man ning vaccine roll on, unsa man ning IATF nga maoy hawod karong panahon , kinsa man ni sila si internet ug Google? Kini ug daghan pang pangutana nga dili kita makapaabot nga masabtan kining tanan sa kapin 100 milyon ka Pilipino.

Busa, ang uban sa tinguha nga makapabakuna, mo-diritso na lang og adto sa mga vaccine areas, pamasin nga matagad sila.

Apan, sugaton dayon sila sa dakung tarpaulin nga nag-abog sa mga walk-in, kay mahadlok ang gobiyerno nga magdasok unya ang katawhan, ug dili na ma-observed ang physical distancing.

Kaluoy sa mga walk-ins. Nganong dili man sila mangitag mga paagi aron dili magpunsisok ang katawhan? Nganong ato man silang abugon outright? Ang uban niini, nagagikan sa halayong dapit, ang uban mibiya sa ilang mga trabaho, aron kabakunahan. Unya ato silang abugon?

Dili kita makapaabot nga ang tanang na-rehistro ug na-schedule na, motunga as scheduled. Busa, i-accommodate na lang ang uban, sa, ang first 25, 50, o 80, on a first-come-first served basis, depende sa gidaghanon sa wala motunga.

In my case, for instance, samtang gipa-rehistro ako sa akong mga anak, apan tungod kay wa pa ko matawgi, namasin ko’g adto sa Robinsons Galleria, uban sa akong mga anak, ug tungog kay diha may wala motunga nga na-rehistro ug natawgan na, ila akong gi-accommodate.

Sa ato pa, walk-in ko. Apan, matud ni Dr. Jeffrey Ibones, dili ako walk-in, kondili substitute. Igo lang kong nipuli niadtong wala motunga. Mao unta kini ang himoon sa ubang mga vaccine areas. Akong usbon, luoy kaayo nga atong balibaran ang mga walk-ins. Sa ako nang giingon, pangitaan ni’g mga paagi nga dili sila papaulion, sama sa nahitabo kanako ug sa akong usa ka anak. Di mo maluoy, ang uban ini nila nagbaktas lang.

Pong pa ni Bobby Nalzaro, kon imo kini silang balibaran, maora’g imong  abugon, dili na kini sila ganahan mobalik pa. Anugon. In the meantime nanghingusog kita sa kampanya nga modaghan ang magpabakuna. Unsa man ning klaseha nga policy?

By the way, naka-double dose na ko. Sa ato pa, Kaduha na ko mabakunahi sa Sinovac.

* * *

Niay editorial sa Philippine Star giulohan og “Stressed Out” Unsa bay buot ipasabot niini? Unsa may Binisaya ba niini? Dili lang ni nato Binisay-on, kay tingali unya’g dili na hinuon ta makasabot.

Anyway, ania ang tipik sa unod sa maong editorial: “Residents of Metro Manila will not be surprised that the mega city has been ranked as the third most stressful in the world. German wellbeing company VAAY conducted a study that ranked stress levels in 100 cities based on four categories: governance, city quality, finance and health.”

Buot bang ipasabot nga hagbong kita sa governance, city quality, finance ug health?  Ato ning padayunon sa sunod natong mga lindog.