_banat
^

Banat Opinyon

Ayoayo sa imong panaw, PNoy!

JAV BANATI - Javier Yntig Tapulado - Banat

Nasiak ang mga kasingkasing sa katawhan human hiwaa sa hait kaayong balita nga si kanhi Presidente sa Pilipinas Benigno ‘PNoy’ Aquino III namatay sulod tungod sa renal failure secondary to diabetes sa miaging Hunyo 24, 2021 sa ika alas 6:30 sa buntag.  Kini base sa pamahayag nga gibuhian sa pamilyang Aquino.

Apan dil tanang kasingkasing nga nasamad, lunlon naguol. Aduna poy nangalipay ug gani, may pipila nga mipalanog sa ilang kasuko’g pagdumot, diin imbes mopadangat og simpatiya sa pagbangutan ngadto sa mitaliwan tang pangulo, daw nagkagot hinuon ang mga bag-ang nga mibiaybiay: ‘Mirisi! Karma na kana!”

Mabasol ba sila nga dili gyod mahikalimot sa kapalpakan ni PNoy pag-handle niadtong 2010 Luneta hostage crisis sa mga turistang taga Hong Kong, diin walo ang nangamatay? Ug usab niadtong 2015 Mamapasano Massacre sa 44 ka sakop sa Special Action Force (SAF), diin namatay sab atong mga sundalo gumikan sa kahuyang sa iyang paminsar isip commander-in-chief?

Hinuon, may mga maayo pong buhat nga gibilin si PNoy natong mga Pinoy. Sama pananglit sa pagsulod og private public partnership nga kontrata alang sa mga dagkong proyekto, nga napirmahan na daan sa iyang panahon.

Usab, sulod sa iyang termino, misaka ang atong nasudnong ekonomiya og 6.2 %. Kinapaspasang pagtaas ikumparar sa mga nangaging administrasiyon. Hasta Malakanyang, midayeg ni PNoy. Gani, giila siyang usa ka simple public servant.

‘Matuwid na daan’ baya ang tumong ni PNoy sa miagi niyang pagpangalagad. Apan ang mga intelihenting alipores, sila, maoy mipahiwi-bawog niini. Busa, kon nakasala man si PNoy, kini bunga sa iyang pagtugyan sa kinatibuk-ang pagsalig ngadto sa iyang mga sinaligan nga dili diay kasaligan.

Pero, hangyo lang. Una ta magbaton og kaligutgot ni PNoy, angay natong hinumdoman. Nga walay usa kanato ang dili makasasala.

Kitang tanan makasasala. Busa, kon si PNoy nakasala, ato siyang pasayloon. Nungkang labayog lapok bisag ilubong na sa yuta. Ngano?

Sanglit, kinsa kadtong dili kaantigo mopasaylo sa iyang isig ka ingon, dili sab pasayloon sa Ginoo.

Hinaut unta, nga nakapanglimpyo na si PNoy sa iyang kalag ug nakipag-reconcile sa atong Magbubuhat ug Maghuhukom sa wala pa siya mamatay.

Mahal namong PNoy, ayoayo sa imong panaw!

BENIGNO AQUINO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with