_banat
^

Kalibog

AMBOT LANG - Gerry Auxilio (Banat) - June 22, 2021 - 12:00am

Gikonpirmar sa Malakanyang ang gibulgar ni Senate President Vicente Sotto III sa iyang Twitter account nga gusto sa Presidente nga ang pasul-obon og face shields kadto na lamang anaa sulod sa mga tambalan.

Si Presidential Spokesman Harry Roque miklaro nga usa na ka presidential policy ang gibulgar ni Sotto. Apan wala maklaro ni Roque kun ang maong policy puwede na ba kini nga mapatuman ug ang mga two nga dili mag face shields gawas sa tambalanan dili na ba kini dakpon.

Ang face shield policy sa Presidente sukwahi kini sa baruganan sa Inter-Agency Task Force (IATF) nga nagrekomendar sa pagpadayon sa katawhan sa pagpasulob og face shields sa tanang dapit. Hinuon giklaro ni Roque nga puwede pa nga makaapilar ang IATF sa nahimong baruganan sa Presidente.

Apan niadtong Huwebes, Hunyo 17, 2021 gibakwi ni Roque ang una niyang pamahayag ug giingon nga walay kausaban sa face shield policy hangtod nga mahukman ni Presidente Duterte ang rekomendasyon sa IATF.

Ang task force mirekomendar ngadto sa Presidente nga ipasul-ob sa katawhan ang face shields sa mga serado nga dapit sa mga tambalanan, tunghaan, dapit trabahoanan, commercial establishments, pampublikong transportasyon ug terminals ug mga dapit ampoanan. Ang commercial establishments gilangkoban sa mga kananan, malls ug merkado publiko.

Ang molecular biologist nga si Fr. Nicanor Austriaco miingon nga 9 porsiyento lamang ang mahatag nga protection sa face shield batok sa COVID-19 hinungdan nga kinahanglan nga hukman sa gobiyerno kun igo ba sa sakripisyo ug kahasol sa katawhan ang nahisgotang proteksiyon.

Naglibog lang ko aning giingon nga mga eksperto sa atong gobyerno. Ambot eksperto ba gyod kaha ni sila. Una giingon sa mga eksperto sa gobyerno nga 56 porsiyento nga maprotektahan ang katawhan batok sa COVID-19 kun mag-facemask, 75 porsiyento kun mag face shield ug 95 porsiyento kun mag social distancing pero karon 9 porsiyento lang diay ang proteksiyon sa face shield. Kalibog ba.

VICENTE SOTTO III
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with