_banat
^

Votes not for sale

IYO ANTOY - Antolin dela Serna (Banat) - June 22, 2021 - 12:00am

Bitaw, ambot kanus-a pa kita maleksiyon, nga sagrado kaayo ang atong mga katungod pagpili, nga gumikan sa pagkabalaan niini, makagaba, kon atong yamayamaan, kon atong inegosyo.

Gamhanan kaayo ang lungsod, ang Haring Lungsod. Kita ang mabuot kinsa ang atong palingkuron sa Malacañang, kinsa ang atong ibutang sa Kongreso, kinsa ang atong botohan pagkapangulo sa mga lalawigan, kalungsoran ug dakbayan, ug sa kabaranggayan. Kangilngig niini nga gahum.

Nga ang kaugmaon sa atong nasud, ang kaugmaon natong tanan, mag-agad unsa kita ka responsible nga botante. Kon unsa na karon ang atong kahimtang sa nasud, sa atong mga lalawigan, dakbayan ug kalungsoran, ug ka-baranggayan, kita ang nagbuot niini; kita maoy nakaingon niini. Agi og pahimangno, ania kining usa ka headline  sa Philippine Star: “Comelec appeals to public: Don’t sell your votes.” Pahimatngon sa Comelec nga dili nato ibaligya ang atong mga voto. Rampant kuno kaayo kining vote selling ug vote buying sa atong nasud, apan, waa may napriso! Dili diay tingali tinuod nga for sale ang atong mga votes. Nigamit ko’g kuno tungod kay personally, wala man sukad ang misuway pagpalit sa akong voto. Tingalig nagtuo sila nga mahal ang akong votes.

Ania pa: “Comelec spokesman James Jimenez said that the public should not sell their votes even if the offered amount is big, warning them that they will eventually suffer should the candidate get elected.  No matter how huge the amount you will receive in exchange for your vote, it will be guaranteed that you will pay more for it once the candidate sits in a government post.”

Sa laktud, bisan unsa ka daku sa salapi nga atong i-prisyo sa balota, dili kini makatumbas sa ato unyang pag-antus gumikan sa atong pagpasagad.

Mipahimangno man gud si Police Chief Guillermo Eleazar tingali unya nga ang mga politiko mo-resort to online vote buying, ug mo-take advantage niining gitawag nga e-wallets to buy votes. Kuyaw no?

Ang akong gikahadlokan nga gumikan sa pagnihit karon sa kwarta, matintal intawon ang mga botante pagbaligya sa ilang mga boto aron makakaon. Ug lagmit pahimuslan usab kini sa atong mga politico.

Hinaut nga dili kini mahitabo karong eleksiyona, naleksiyon ug naedukar na unta kita aron ato nang maangkon ang hingpit nga pag-uswag sa atong nasud. Ambot kanus-a kita makalingkawas niining atong pagka-third world country, diin gitawag kita nga “sick man in Asia.” Kining tanan,  mag-agad ra gyud sa simple nimong pagsulat sa balota.

Sa ato pa, ang atong basihan sa pagbotar, mao gayud ang kaligdong ug qualification sa mga kandidato, ug dili ang ilang popularity ug kadaghan sa ilang kwarta.

Ug dili usab kita mag-agad sa mga endorsement sa ubang tawo, kundili, maoy atong botohan ang mga piliunon nga kita mismo maoy nag-endorse. Nganog mag-agad man kita sa uban? Ug mahitungod sa pag-file sa mga certificates of candidacy, ang Comelec namahayag nga ila kini himuon phase by phase, sa ato pa, ang pag-file sa COC dili dunganon sa usa lang ka higayon.  I-schedule kini, gikan sa Oktubre 1 hangtud 8, aron kalikayan ang mass gathering.

Angay hunahunaon nga ang eleksiyon dili panahon sa pagbaligyaay ug pinalitay sa mga voto.

ELECTION
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with