_banat
^

Balay nga nagharag na, nakaali pa gyud sa sapa

LABTIK - Alan Domingo (Banat) - June 21, 2021 - 12:00am

Nabutang sa peligro dili lang ang usa o duha ka pamilya sa Purok Upper Riverside, Barangay Kamputhaw sa dakbayan sa Sugbo kon dili apil ang tibuok community sa naasoy’ng dapit.

Kini gumikan sa usa ka kongkretong balay nga hapit na gyud matumba. Ug ang mas nakamugna og peligro niini mao nga nakaali kini sa sapa, gani sa pagkakaron nga nagharag pa ang balay nasakop naman niini ang agianan sa sapa.

Simbako lang aduna na usay dakong baha nga masinati segurado gyud nga moawas kini sa dapit ug malunopan ang mga kasikbit nga pinoy-anan.

Ang naasoy’ng balay unang nagusbat dihang nakasinati og grabeng baha niadtong Oktobre sa miaging tuig. Busa nakahukom ang tag-iya nga ipaguba nalang kay dili naman sad nila mapuy-an kay delikado na kaayo.

Niduol na kuno sila sa taga disaster office kaniadto apan igo ra man daw nag-inspection ug walay nahitabo hangtod karon. Ang baranggay usab wala kuno molihok sa gipadangat nilang problema.

Niadtong nakalabayng weekend nakasinati na usab og kusog nga pagbundak sa uwan, miawas na pud ang kasapaan ug nakapasamot na usab sa danyos sa gabok na nga estraktura.

Nahitabo gyud nga nakaawas ang tubig sa kabalayan maong nangahadlok na gyud og samot ang mga tawo ilabi na usab ang tag-iya sa balay kay sila man gyud ang mabasol simbako dunay mahitabo nga trahedya.

Adunay sukaranan ang kahadlok sa mga tawo kay naka-strike 2 na ang baha, unsay mahitabo inig strike 3? Huwaton pa ba gyud nga dunay makalas simbako ayha lihokon ang problema? Dili angayan iunya-unya kini kay nakataya niini ang daghang kinabuhi.

Giduol nako ang problema ni Konsehal Jerry Guardo, ang chairman sa Committee on Infrastructure ug sa fllood control program, mipasalig kini nga aksyonan dayon karong adlawa ang problema.

Matud niya nga wala makaabot sa iyang buhatan ang suliran sa mga tawo kay kon nasayod siya hagbay ra unta kining nasolbad.

Wala nay babag o problemang legal kay ang tag-iya na mismo sa balay ang mitanyag nga ipaguba kini sa mga dunay kabangkaagan sa demolition kay kong sila ang moguba basin maghatag na hinoon kini og peligro kanila ug sa mga silingan.

Dili sa ta magpasalamat kang Guardo, ayha na kong maaksyonan na niya, atangan nato karong adlawa kong hingpit na ba nga masulbad ang naasoy’ng problema base sa iyang gipanaad.

SUGBO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with