Pugson pagkuha ang motorsiklo pambayad sa utang
Dear Atty. Divine,
Duna koy pangutana labot sa utang sa akong bana nga wa niya mabayri. Ang ilang sabot sa iyang giutangan nga bayran niya ang utang sud sa unom ka buwan. Apan tungod kay nasakit ang nanay sa akong bana napakyas siya sa pagbayad ug nangayo siya og extension. Apan wa mosugot ang giutangan ug mihulga kini nga kuhaon ang iyang motorsiklo isip bayad sa utang sa akong bana. Ang akong pangutana kun pwede ba niyang kuhaon ang motor sa akong bana isip bayad sa utang bisan supak ang akong bana niini kay mao man ni iyang service sa trabaho? Daghang salamat.
Mary
Dear Mary,
Dili makapugos ang giutangan sa imong bana sa pagkuha sa iyang motor isip pambayad sa utang kay usa kini ka kalapasan sa balaod. Basi sa Article 287 kon Light Coercions , kini nagkanayon nga ang si bisan kinsa nga mopugos sa pagkuha sa butang nga gipanag-iya sa utangan aron pambayad sa iyang loan mamahimong mapahamtangan og silot kay kini kalapasan sa Art. 287 sa Revised Penal Code. Busa kun buhaton kini sa giutangan sa imong bana mamahimo siyang mapasakaan og kaso for light coercion. Thanks and God bless.
Atty. Divine
Alang sa inyong pangutana palihug lang sa pag email sa [email protected] ug akong tubagon ang inyong pa gutana pinaagi sa akong column matag Miyerkules, Sabado ug Domingo.
- Latest