_banat
^

Dili mahinungdanon ang pasidungog

BALITAHOM - Atty. Jose Marie N. Poblete (Banat) - June 20, 2021 - 12:00am

Matud pa ni Presidential Adviser on Flagship Programs ang Projects, Vince Dizon, nga sa 119 ka mga infrastructure flagship projects sa gobiyerno, 29 niini ang mahuman karong tuiga ug 28 usab ka proyekto nga andam na’ng i-implementar sa umaabot nga administrasyon.  Hinaut nga ipadayon sa sunod nga administrasyon ang maong mga proyekto labi na kay aduna na kini pagtugot sa NEDA.  Matud pa bitaw ni kanhi US President Harry Truman, “Daghan ang mahuman nga gimbuhaton kon dili igsapayan kinsa ang makaangkon sa pasidungog”.  May lain pa!

Ekonomikanhon’g kalihokan

Gihukman og tulo ka tuig nga pagkabilanggo ang kanhi Japanese Justice Minister nga si Katsuyuki Kawai tungod sa sala nga “vote buying” aron makalingkod ang iyang asawa sa taas balay-balaoran atol sa eleksyon sa 2019.  Migasto si Kawai og mokabat 29 milyones ka yen nga gipanghatag ngadto sa mga lokal nga politiko ug dumadapig.  Sa Pilipinas, sukad-masukad walay gibaniog nga napriso sa “vote buying”. Inay usa unta ka intelektuwal, mabuot ug puno sa pamalandong ang pagbotar, nahimo na kini karon nga pinansiyal ug ekonomikanhon nga kalihokan.  Fezteleern!

Putot gihapon ang Pinoy

Segun sa taho sa World Bank, tulo sa napulo ka batang Pinoy nga nagpangedaron 5-anyos paubos wala makatubo tungod sa kakulang sa nutrisyon.  Ika-5 ang Pilipinas sa mga nasud sa East Asia ug top 10 kita sa tibuok kalibutan kon ang ka-putot sa kabataan ang hisgutan.  Makauulaw alang sa kagamhanan ang maong hinungdan sa wala pagtubo sa kabataan nga gitawag sa World Bank nga “Silent Pandemic”.  Hinuon, bisan putot, bani-og ang atong pagkaisog ug kini giangkon mismo ni Gen. Douglas MacArthur.  Mahimong sukdon ang gitas-on sa tawo apan dili masukod ang hiyas nga anaa sa iyang kasing-kasing.  Sachet is life!

Barato ang mano-mano

Mipasidaan ang VECO nga makasinati ang mga konsumidor og pagsaka sa bayranan sa kuryente sa bulan sa Hunyo ug Hulyo tungod kay misaka usab ang “power generation rates”.  Ni’ng pagpunay ug taas sa presyo sa kuryente, hayan mosaka usab ang presyo sa daghang palaliton.  Tuaw pa sa akong silingan, “Mitubo na ang tanan, ang akong sweldo na lang ang malnourished ug nagpabilin’g putot.  Moabot unya ang panahon nga mas barato pa ang magsuhol ug tawo aron mopaypay kanimo kay sa mobayad og kuryente aron mapaandar ang aircon”.  Madahaan!

Limod hangtod matay!

Gidakop si Roger Cadutdut, usa ka enforcer sa Cebu City Transportation Office (CCTO), sa mga operatiba sa CIDG-Central Visayas sa usa ka entrapment operation tungod sa giingon’g pagpangilkil niini sa iyang madakpan nga traffic violators.  Daw wala na’y lusot ang maong enforcer. Sa iyang kahimtang karon, nakakomento ang akong amigo nga “mas maayo pa’g nasakpan siya sa iyang asawa nga nagdulog sa iyang kabit ky mahimo pa siyang moingon nga “Ako diay ni? Tan-awa kon ako ba gyud ni?” Pagkatoytoy!

VINCE DIZON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with