_banat
^
EDITORYAL - Gamit ba gyud ang face shield?

EDITORYAL - Gamit ba gyud ang face shield?

Ian B. Melecio (Banat) - June 18, 2021 - 12:00am

Si Pres. Duterte namahayag nga kining pagsuot og face shields maayo lang kun sa mga tambalanan. Kung buot sabton ang gipasabot sa presidente nga kung dili sa tambalanan mahimo rang dili na magsuot og face shields apan kinahanglang naa gyud ang facemasks.

Kini matud pa ni Senate President Tito Sotto III kinsa nakigtagbo kang Duterte didto sa Malacañang. Mismo ang tigpamaba sa Palasyo nga si Harry Roque mikompirmar nga namahayag niini ang pangulo.

Apan nagtuo si Roque nga posibleng moapelar niini ang Inter-Agency Task Force (IATF) for the Management of Emerging Infectious Diseases nga maoy naghimo og mga rekomendasyon kun unsay angay buhaton pagtubag aning pandemiya sa Covid-19.

Ang pamahayag sa presidente nakapalipay sa mga tawong gisamokan aning pagsuot og face shields sa publikong lugar, apan basin pud parehas ra sila og sentimiyento kay bisan presidente pa siya kinahanglan man sab magsuot ani sa iyang mga opisyal nga mga kalihokan. Ang pipila ka mga pundok sa mga doktor ug mga tinugyanan sa panglawas mas gusto nga pagamiton gyud og face shields ang mga tawo bisag dili sa tambalanan basta naa sila sa mga daghang tawo.

Ang face shields ug face mask pisikal kini nga proteksyon, samtang ang bakuna proteksyon sa lawas kun mataptan na og Covid-19, ang social distancing proteksyon sa komunidad.

Kani nga mga health protocols maoy gipasunod sa IATF sa tibuok nasud. Apan matud pa ang Pilipinas nalang sa tibuok kalibotan ang nagsige og paggamit og face shields. Pagkatinuod, kaning face shields nakadugang sa gastos sa mga yanong tawo, apan naobserbahan nga daghang mga tawo nga dili magtarong pagsuot aning face shields sa mga lugar diin gimando kini nga gamiton sama sa sud sa mga malls, grocery stores, kamerkadohan, sa simbahan ug uban pa.

Gihimo hinuon kining head band sa uban ug ang uban guba na ug lubog na ang transparent cover niini gigamit gihapon aron pasudlon og mga malls o grocery stores dili para suoton og tarong kondili i-head band ra gihapon sa ulo. May mando man o wala, naa ra sa tawo pagpili alang sa iyang proteksyon.

FACE SHIELD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with