_banat
^

Ang Covax ang magbuot, A4 walay labot

LABTIK - Alan P. Domingo (Banat) - June 18, 2021 - 12:00am

Sa pag-abot sa daghang supply sa Pfizer vaccine sa rehiyon ilabi na sa mga dagkong syudad, daghan usab ang nangalipay kay mas modaghan naman ang mabakunahan.

Apil sa nagdahum ang anaa sa A4 priority sector nga mga economic essential workers kay naglaum nga mapanalipdan batok sa virus kay sila man ang magsige og bagnus sa kadalanan sa panginabuhi nga gikinahanglan nga himoon alang sa pamilya.

Angkonon man o sa dili,daghan ang nag-apas sa brand sa bakuna kay lagi nagtuo nga mas epektibo kini. Apan ang tanan kutob lang diay sa dahum kay wala may labot ang A4 sa mabakunahan gamit ang mga vaccines nga gikan sa Covax.

Gikinahanglan kuno nga sundon sa gobiyerno ang nalatid sa lagda kay igo ra man kitang nidawat sa hinatag ug ang naghatag maoy magbuot kinsa ang makadawat.

Busa ang A1 mga medical frontliners, A2 senior citizens, A3 naay comorbidity ug ang A5 nga mga indigents lang ang mamahimong makadawat niining maong mga vaccine brand pastilan kaluoy pud intawon sa mga essential workers nga maoy nagbuhi karon sa atong ekonomiya.

Sige ang gobiyerno og dasig sa mga tawo nga magpabakuna aron makab-ot ang herd immunity apan unsaon pagkab-ot kong ingon niini ang systema nga ipatuman. Sa tinuod lang daghan kaayo ang gustong magpabakuna na apan mabalibaran o maghuwat kay lagi dili sakop sa na mentiion nga priority, ug ingon niini dili gyud modis-og ang vaccine rollout.

Ang gipang-una kadtong mga pugsonon kaayo ug hinay pa gyud molihok, samtang aniay nagpanikad nga magpabakuna nga mga baskog dili mahimo kay matod pa ang A4 para lang sa sinovac ug Sputnik V apan gamay man ang supply.

Unta matan-aw kini nga pwede na ang atong gobiyerno ang magdesisyon kinsa ang mga tusokan. Dako ang atong pasalamat sa Covax facility nga mihatag og bakuna apan mas nasayod man seguro ang gobiyerno kinsa ang nagkinahanglan.

  Pananglitan ang anaa sa A5 nga mga indigents ambot lang kong sayon ra ba makombinser kay base sa ilang mga pulong ilabi na kadtong mga tawo nga anaa sa aseras moingon ra man nga mokilaw sila og COVID ug dili slya magpabakuna kay basin ang bakuna na hinoon ang mopatay nila.

Oras o panahon ang atong kalaban karon nga mapadali ang atong pag kab-ot sa herd immunity apan dili nato kini makab-ot kong hangtod karon mag-agad sa tradisyonal nga pamaagi sa pagpamakuna.

 Maayo unta og dunay kapilian ang ubang mga sektor nga mosugot sa Sinovac ug Gamalea, apan wala man busa naghangad intawon sila karon kanus-a mapiskan sa bakuna.

COVAX
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with