_banat
^
EDITORYAL - Disaster mitigation

EDITORYAL - Disaster mitigation

(Banat) - June 15, 2021 - 12:00am

Matag dautan ang panahon sama sa grabeng pagbunok sa uwan pirme gyung mahasol ang mga residente sa namuyo sa mga lupa nga bahin sa Metro Cebu ilabi na sa siyudad sa Sugbu.

Pila naman kini ka tuig nga problema? Tingali dekada-dekada na kining kahasol nga nasinati sa mga residenteng apektado aning baha nga mosulod sa ilang mga panimalay.

Kaning problemaha magbalik-balik lang gihapon kun ang naa sa hunahuna sa mga opisyales sa lokal nga kagamhanan pang band-aid solution ra. Kana bitaw’ng temporaryong permanente.

Kay lagi mao ray madali-dali nga solusyon mao nga kutob ra sila sa pagpanghabwa sa mga nabara nga basura, napundo nga mga lapok ug uban pa.

Dunay mga LGUs nga walay political will pagpapahawa sa mga ilegal nga nagtukod og mga estraktura diha sa natural nga agianan sa tubig sama sa mga sapa, mga creeks nga pagawas ngadto sa dagat.

Tingali mahadlok silang mawad-an og botos o suporta gikan sa mga dagkong nanagiya aning maong mga estraktura o edipisyo.

Mao nay labing siguro, apan wala sila mauwaw sa mga tawong nibotar kanila diha sa ilang posisyon kay kutob ra sa band-aid solution ilang mahimo sa problema.

Mangugi lang og lihok kun gilunopan na, sa wala pa kini mahitabo lisod kaayong pangitaon kining mga departamentoha.

Gawas pa, sala kini sa mga barangay officials tungod sa ilang pagmika sa ilang trabaho. Sila maoy nasuhito diha sa ilang mga barangay kun asang dapita ang peligro sa pagbaha. Samtang maayo kining disaster preparedness, apan daw ang nasabtan lang bahin ani mao ang pagpaandam sa mga molupyo nga sila pabakwiton ngadto  sa mas luwas nga dapit kun moigo na ang katalagman ug ang pag-andam sa mga relief goods.

Dili ba mas labing maayo kun ang tutokan mao ang disaster mitigation o ang pagpangandam pinaagi sa konstruksyon og mga imprastrakturang makapakgang niini nga dili makaapektar sa mga tawo o ba kaha ang pagpalayo ng daan sa mga tawo sa lugar kay bisan unsa pay buhaton peligro gyud ilang dapit.

Kaning dapita unta mo-invest og maayo ang mga LGUs dili kay pulos lang paporma  ug baba nga pulos pasalig ngadto sa mga tawo.

SUGBU
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with