_banat
^

Banat Opinyon

Social media giabusohan

RENBOR PATROL - Rene U. Borromeo - Banat

Nakahinabi ko og pipila ka senior citizens nga akong gikahinagbo sa usa ka department store, ug ako silang gipangutana kon nabakunahan na ba sila.

Milingolingo ang edarang babaye kay mahadlok kuno siya magpabakuna tungod sa daghang nabasahan niya nga makadaut sa panglawas ang pagpabakuna.

Laing edaran nga lalaki midason nga apil siya sa mga wa pa magpabakuna kay gidid-an siya sa iyang anak tungod sa kahadlok sa nabasahan niini sa social media.

Ang mga senior citizens maoy priority sa kagamhanan nga sila mabakunahan kay hinay na ang ilang “immune system” ug dali ra silang matakboyan sa coronavirus.

Matud sa kadagkoan sa Department of Health nga  daghan sa mga nangamatay sa COVID-19 mga edaran na mao nga gusto sa kagamhanan nga sila mapanalipdan.

Apan unsaon, tungod sa mga makapahadlok nga post nga gipakatap diha sa social media nga kuno makadaot sa panglawas ang pagpabakuna sa anti-COVID-19 vaccine, ang uban nangahadlok.

Giingnan nako ang mga tiguwang nga dako kaayo’g posibilidad nga ang mga mikatap nga inpormasyon nga makadaot ang pagpabakuna og anti-COVID-19 vaccine, gihimo ra sa mga tawo nga way lingaw ug gusto lang lawgawon ang vaccination program sa kagamhanan, diha pa sila naghinuktok.

Nakapangutana sila kon nganong gitugotan man nga ang maong mga “balita” masangyaw pinaagi sa social media? Giingnan nako sila nga kining maong isyu wa pa gyud mahatagi og aksyon sa kadagkoan sa Facebook.

Para nako, mosugot kaha ang World Health Organization (WHO) nga gamiton ang mga anti-COVID-19 vaccine kon makadaot pa kini sa panglawas? Mogasto kaha ang mga nasud og binilyon ka dolyar aron ipamalit og bakuna kon kini makapatay pa?

Tinuod, dili gihapon makapugong ang bakuna nga mataptan ka og COVID-19 apan matud sa mga health experts, dili ka na magrabehan nga posibleng mamatay. Buyno, duna man kuno’y namatay pipila ka adlaw human sila mabakunahi, basin og tungod kadto sa laing sakit.

Pero, way pinugsanay sa pagpabakuna og anti-COVID-19 vaccine kay katungod man sa matag tawo kon dili siya magpabakuna.

Apil sa makapahadlok nga inpormasyon nga gipakatap sa social media, mao nga kadto kunong nabakunahan na, mangamatay sulod sa duha ka tuig.

Nakaingon ko nga ang mga mituo niining maong pagpanghadlok, nakasiguro sab kaha nga sulod sa duha ka tuig, dili sila matakboyan og Covid ug dili sila mamatay?

* * *

Kini gud nga social media nindot kaayo kon ang tanang mogamit lang sa maayong katuyoan.

Apan subo lang kay daghan ang migamit sa Facebook nga mangatake sa ilang mga kontra, ug manghadlok.

Para nako, ang katawhan na maoy mogamit sa ilang utok kon angay ba nilang tuohan ang ilang nabasa diha sa social media.

SOCIAL MEDIA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with