_banat
^
EDITORYAL - Makalaag na, apan may kondisyon

EDITORYAL - Makalaag na, apan may kondisyon

(Banat) - June 13, 2021 - 12:00am

Nahimuot pagkadungog sa balita ang kadaghanan sa mga senior citizens dihang ang Malacañang nagtugot na kanila nga makagawas-gawas sa ilang balay ug kun dunay kwarta makabakasyon pa ngadto sa ilang mga kaparyentihan sa lagyong probinsya.

Apan dunay kondisyon ang Palasyo, kinahanglan nga kompleto sila sa ilang bakuna batok Covid-19. Nagpasabot kini nga duha gyud ka shots sa Covid-19 vaccine ang ilang nadawat.

Ang tawong mabakunahan hatagan og vaccine card nga diin nakabutang ang ilang pangalan, brand sa bakuna nga gigamit ug kun kanus-a sila unang nahatagan sa unang dose ug ikaduhang dose.

Magsilbi kining pasaporte sa mga tawo kun pananglitan pangitaan sila og vaccination cards aron makasulod bas a mga establisamento, makabiyahe ug uban pa.

Maayo kini sa pangdungog sa mga senior citizens nga nakakumpleto o ba kaha kadtong nakadawat na og unang dose sanglit mahunong na ang ilang pagkatanggong sa ilang mga balay.

Apan niadtong mga seniors nga hangtud karon diskumpiyado o may kahadlok magpabakuna tungod sa mga tabi-tabi bahin sa mga side effects niini, mahimong magpabilin nalang sila sud sa ilang balay hangtud sa ilang kamatayon o mabuhian og paglaum ug modesisyon nga magpabakuna nalang.

Ang gobiyerno nangangkon nga luwas ug epektibo kining mga bakuna bisan pa og dunay mga report nga may pipila sa mga nabakunahan ang nakasinati og “adverse effects” sama sa gamay nga pagsaka sa blood pressure, pangatol sa pamanit, hilantan ug panakit sa bukton kun diin sila gitusokan sa dagom.

Apan bisan pa niini, kinahanglang magmatngon gihapon ang mga nabakunahan tungod kay bisan og matawag na silang kublan sa Covid-19 wala kini magpasabot nga dili na sila mataptan niini.

Sumala pa sa DOH mataptan gihapon sa maong virus kadtong mga nabakunahan apan dili na malusbo ang ilang panglawas. Nagpasabot nga duna silay virus apan dili na sila masakit pa hangtud nga mawala kini sa ilang lawas.

Busa, mahinungdanon gihapon nga magsuot kanunay og face mask ug face shields kun gikinahanglan ug mag-social distancing ug kanunayon ang paghugas sa mga kamot.

Tungod kay bisan kublan na ang mga nabakunahan, mahimo gihapon nilang mapasa ang virus ngadto sa uban.

MALACAñANG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with