_banat
^

Misteryoso ang Pagtubo

ANG DIOS MIINGON - Fr. Rey Cui (Banat) - June 13, 2021 - 12:00am

Hunyo 13, 2021: Ikanapulog-usa nga Domingo sulod sa tuig

Mga Pagbasa: Ez. 17;22-24/Sal. 92/2 Cor. 5;6-10/Mk. 4;26-34

Kadaghan na kita tudloi sa mga pamaagi sa pag-andam sa tamnanan ingon man ang paagi sa pagtanom. Ang atong agricultural classes kaniadto sa elementarya hangtud na sa high school dako naman kaayo og kahimoan sa atong pagkat-on.

Apan sa inadlaw nga pagtubo sa matag tanom usa kini ka dakong misteryo bisan pa man kun dunay pagpasabot niini ang siyensiya apan padayon kitang na amaze sa maong proseso.

Diha sa atong personal ng pagkinabuhi, nilihok man ang Dios sa mas misteryosong paagi.

Ang maong misteryosong proseso nagpaila lamang nga dunay mga butang ug panghitabo sa kalibutan nga dili nato matugkad ug masabot.

Ang bugtong paagi sa pag-uyon mao man ang pagdawat kanila ingon nga kabahin sa lihok sa uniberso sanglit ang  uniberso dunay kaugalingong balaod nga malisud kaayo tugkaron.

Ug kita mismo nahimong kabahin man niini. Apan luyo sa maong balaod ug han-ay sa uniberso segun sa atong pagtuo anaa man ang hunahuna nga nipadagan ning tanan.

Ang hunahuna sa Dios nga maoy nagbuot ning tanan. Ug nilambo ang tanan segun sa panahon nga Diosnon.

Implikasyon niini ang mosunod:

1.  Himoa ang systematic nga paglihok aron makab-ot mo ang imong mga gilaraw.

Ang plano mahinungdanon kaayo ug dili himoong katag. Ang katag nga panghunahuna moresulta gyud og katag nga output. Focus ug order maoy kinahanglanon.

2.  Himoa ang pagpailob. Dunay panahon ang matag butang. (cf. Ecc. 3;1).

3.  Rome was not made on a single day. Hinay hinay sa pagkayod.

Mahimong kita kapoyon apan wala kini magpasabot nga kita moundang.

DOMINGO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with