_banat
^

Banat Opinyon

Karon naglumba na

RENBOR PATROL - Rene U. Borromeo - Banat

Ang sitwasyon karon mao nga daghan na ang gustong magpabakuna og anti-coronavirus vaccine, apan ang problema kay ang kagamhanan kuwang og mga bakuna.

Ang atong kagamhanan dunay kwarta nga ikapalit og bakuna gikan sa lainlaing drug manufacturers nga naghimo sa maong matang sa bakuna, apan kuwang ang ilang suplay.

Tungod sa kadaghang nasud nga namalit og bakuna para sa ilang mga lumolupyo maoy hinungdan nga ato kaayo ang suplay sa bakuna sa mga drug manufacturers.

Sa sinugdanan dinhi sa nasud, nagpanagana ang katawhan nga magpabakuna og anti-COVID-19 vaccine kay nahadlok nga makadaot kini sa ilang panglawas.

Apan kay nakita man nila nga wa kini makahatag og dautang epekto niadtong mga nabakunahan na, nag-ambahan na sila sa lainlaing vaccination center aron magpabakuna.

Tungod niini, dili na modawat og “walk-in” nga mokalit lang ka pag-adto sa vaccination centers aron magpabakuna, ug kinahanglang magparehistro ka na daan aron itakda ang imong pagpabakuna.

Akong balikon nga mas nindot gyud nga mabakunahan ka kay samtang matakdan ka man tuod gihapon og COVID-19, layo na ang posibilidad nga ikaw mamatay. Ayaw mo pagtuo sa mga “fake news” nga kuno kadtong mga nabukanahan na mamatay sulod sa duha ka tuig.

Kini maoy hunahunaa pag-ayo nga kon dili ka magpabakuna, ambot kon makaabot ka ba kaha og duha ka tuig kon matakdan ka og COVID-19.

* * *

Husto kaayo ang gihimo ni Mayor Edgar Labella nga mi-leave siya og tulo ka semana aron makapahuway ug mapadali ang pagbaskog sa iyang lawas kay nagpaalim pa man siya sa iyang sakit.

Gibutyag ni Mayor Labella nga direyot gyud diay siya nga namatay diha nga natapdan siya og sepsis, usa ka matang sa kagaw nga moatake sa dugo ug ubang mahinungdanong bahin sa lawas.

Salamat na lang nga nabantayan dayon ug matud ni Mayor Labella nga naayo na siya sa maong sakit, ug nagpaayo na lang karon. Apan giingnan siya sa mga doktor nga mopahuway usa.

Atong lauman nga mobaskog ang panglawas sa mayor. Sigurado ko nga ang panglawas sa mayor maoy gamitong isyu sa politika sa iyang mga kontra atol sa kampanya para sa eleksyon sunod tuig.

Sugod kagahapon, ang pagdumala sa siyudad sulod sa tulo ka semana gitugyan una ni Labella ngadto ni Vice Mayor Michael Rama, nga takus usab nga modumala sa katungdanan.

Nag-agi na pagka mayor si Rama ug dili na bag-o alang kaniya ang maong katungdanan. Swerte si Labella kay duna siya’y masaligan samtang wa siya.

Gitakda si Labella nga mobalik sa katungdanan sunod buwan.

COVID-19 VACCINE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with