^

Banat Opinyon

Strategic

MGA LAMAS SA KINABUHI - Fr. Rey Cui - Banat

Sa kapanohan sa atong Ginoo ang pagtukod sa balay kinahanglan nga himoon nga strategic labina kun maghisgot kita butanganan sa suga.

Tumong niini aron mahayagan ang kinatibuk-ang suok sa balay.

Tabunok sa kahulogan ang maong sanglitanan. Sa aktwal nga konsiderasyon nagpasabot man kini og praktikalidad labina kun maghisgot kita og architectural principles.

Sa kinabuhi, nagpasabot kini kun unsa gyud kalapad ang imong pagka person of influence.

Sa atong kinabuhi, dili na mahinungdanon kun taas ba kini o mubo. Ang mahinungdanon kun sa unsang paagi nato gigamit ang atong kinabuhi aron makahatag kita og maayong sanglitanan ngadto sa uban.

Kuyog niini ang paghatag og inspirasyon pinaagi sa atong mga maayong binuhatan nga sa uban makapadasig inay makapaluya kanato.

Ang maayong influencer mao kadtong modasig sa uban bisan pa man kun walay tawo ni katungod nga gitamakan. Kay dunay uban man gud nga aron mosikat mangdaut man hinuon.

Husto gyud ang awit nga nagkanayon: “Busa ipadan-ag gayud ang inyong kahayag atubangan sa mga tawo aron makita ang maayo ninyong buhat!

Ug magadayeg silang tanan sa inyong langitnong Amahan! Ug magdayeg silang tanan sa inyong langitnong Amahan! Kamo ang asin ug kahayag!

Sa dihang nagkaon mi kuyog sa akong mga kauban duna koy nakitang mga batan-on nga nangaon usab apan sa dihang mohungit n apud unta sila sa ilang makaon usa kanila nga nidasig nga kinahanglang sila mag-ampo gyud.

Tuod man sila nanguros ug nag-ampo, butang nakapasig kanako ug nakapaikag kanako sa pagpasalamat sa Dios kay hangtud karon duna man diay mga batan-on nga padayong magpasalamat sa mga grasya nga ilang nadawat.  Salamat sa Dios!

Bisan man gani ang kan-anan strategic nga dapit sa pag-evangelize.

Sa maong kan-anan nahinumdom ako nga dunay pundok sa mga tawo nga nangaon ug kanako nagpaampo alang sa panalangin. Salamat gyud sa Dios.

SUGA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with