Naka-second dose na ko!

Sa ato pa, fully vaccinated na.  Apan,  sumala sa mga eksperto sa panglawas, wala kini magpasabot nga dili nako katakboyan sa virus. Nga kon matakboyan man, dili ma-grabehan, walay adverse nga epekto sa lawas.

Maoy hinungdan nga giawhag gihapon ang pagpadayon pagtuman sa mga health standards, ilabina ang bahin sa paglikay sa mass gatherings ug pag-observe sa physical distancing. Dili man tingali ni lisud tumanon.

Hapon na kami nga miadto sa Robinsons Galleria alang sa ikaduha nakong dose. Akong namatikdan nga mingaw na ang vaccination area. Ug sa akong pagpangutana gitubag ako nga sa buntag kuno ang daghang tawo.

Alang nako, usik ang panahon. Unta, mangita sila’g paagi nga ma-accommodated ang mga “walk-in” nga buot magpabakuna. After all, sige ta’g kampanya nga modaghan ang magpabakuna. And here comes mga “walk-ins,” atong balibaran? Sayang.

Daghan niini kanila, dili kamaong magpa-rehistro online. Busa boluntaryo na lang nga personal moadto sa vaccination center. Ug ang atong mga volunteers sa mga vaccination centers, nganong mahadlok man sila nga modagsa ang buot magpabakuna? Di ba mao man kini ang atong tuyo?

Atong usbon, pangitaan kini’g mga paagi aron matagad gayud ang mga mag-“walk-in.” Perhaps dugang mga personnel, dugang mga vaccination areas, o adunay separate nga area alang sa mga “walk-ins.” O diba, gahinan sila’g separate nga schedule, separate from those who have registered and have been scheduled.

In my case for instance, samtang giparehistro na ko sa akong mga anak, apan, wa pa man ko matawgi. miadto lang mi sa Galleria, pamasin nga matagad ko. Ug tuod man, tungod kay daghan mang narehistro nga wala motunga, ila akong gi-accommodate. Nahulog ko’g walk-in. Apan matud ni Doc. Ibones, dili walk-in, kundili, substitute niadtong narehistro apan wala motunga.

Mao nga medyo sayo akong nabakunahan, samtang ang uban naglibog pa kon magpabakuna ba  sila o dili, ilabina niadtong nagpunay pagpaminaw ug nagtuo sa mga fake news sa radio.

* * *

Ug niay maayong balita gikan sa The Freeman, nga kuno ang mga magpapatigayon sa dakbayan sa Sugbo naglantaw nga ang pag-modernize sa Carbon market, makapalambo sa ekonomiya alang kanatong mga Sugbuanon.

Matud ni Edward Ting, nga nag-representar sa sa mga business establishments sa Carbon area, ug pangulo sa tulo ka dagkung corporations sa dapit, ang pagpa-moderno sa merkado sa Carbon, “will surely generate economic growth and in effect provide more jobs and create more business opportunities.” Sa iyang bahin, si Louie Ferrer, chairman of C2W, Megawide Construction Corp. namahayag nga:

“On top of the income, the project will also provide much sought-after infrastructure improvements in the district, which will further boost the business not just of existing vendors, business owners, even the karumateros, but the city as a whole.

“This investment in Carbon – its people, its infrastructure, will have a multiplier effect on the city’s economy after this pandemic and beyond. The integrated program includes the development of six blocks that will include the market building, a wholesalers’ building, a new food destination the Boqueria, a lifestyle building, among others.” Nindot no? Kanus-a man ni sugdi?