President Rodrigo Duterte mag-vice president na lang?

Mao ra og nahisama kini sa sitwasyon sa mga LGUs diin ang bana mayor, ug ang vice mayor either ang asawa o anak. Unya, inig katapos sa termino  sa mayor, ang asawa o ang anak maoy mopuli pagkamayor, ug ang bana mag-vice mayor na pud.

Dili man tingali ni ngil-ad kay ang mga tawo mobotar man pud. Unya kanunay kitang maghisgot sa political dynasty, diin ang atong gobiyerno gihimo nga usa ka family affair sa atong mga leader.

Wa kitay mahimo batok niini tungod kay mao man kini ang gusto sa katawhan. Unya, giingon man nga ang  tingog sa katawhan  tingog man kuno sa Dios.

Ania kining balita sa Philippine Star, atong kutloon aron dili ta masayop: ”Duterte not closing doors on running as VP in 2022 — chief legal counsel. President Rodrigo Duterte would run for vice president next year if there is a strong clamor for him to do so, his chief legal counsel said. Chief Presidential Legal Counsel Salvador Panelo said Duterte believes that something would happen if it is part of destiny and that one has no choice but to accept his fate.

So, matud ni Panelo, nga kon kusog kaayo ang awhag ug clamor padaganon ni Duterte pagka-vice president, ug kon kini iya nga destiny, madayon gayud ang paglansar ni Duterte pagka-vice president.

Sa ato pa, kon modagan si Inday Sara pagka-presidente, ang sunod nga eleksiyon would be a Duterte-Duterte tandem sa side sa administrasyon.

Apan, ako sa akong bahin, I don’t think mouyon si Duterte niining mga damgo ni Panelo. Mao usab kini ang pamahayag ni presidential spokesman Harry Roque.

Ania: “Duterte’s spokesman Harry Roque said last November that the president is very eager to finish his term and that he wants to come home in Davao City. The Duterte-Duterte tandem was just a “personal opinion” of Panelo.” So, alang kang Roque, personal opinion lamang kini ni Panelo. Sa ato pa, mga damgo lang sa udtong tutok ni Panelo.

Mipahinumdom si Panelo sa nahitabo sa 2016 elections diin nagduhaduha pa si Duterte kon molansar ba o dii, apan, gumikan sa public clamor napugos siya paglansar. “He (Duterte) had a date with destiny. He had an appointment with history. Whether he likes it or not, he has to run and he will win,” dugang ni Panelo.

Apan,  ania: “During a forum of the Federation of Filipino Chinese Chambers of Commerce & Industry, Inc. last month, Roque said Duterte might pick his preferred successor among Manila Mayor Francisco “Isko Moreno” Domagoso, Sen. Manny Pacquiao and former senator Bongbong Marcos if Sara and his former aide Sen. Christopher “Bong” Go do not run for president next year. “

Sa side sa opposition, wa pay klaro kinsa ang ilang ituboy pagka-presidente. Alang sa pipila ka observer, si Vice President Leni Robredo, medyo huyang. Si Senador Trillanes mipadayag na sa iyang tinguha paglansar pagka-presidente. Si Robredo tingalig mag-gobernador na lang.

Locally, pulos lang hugonhugon. Wa pay klaro kinsa ang mahimong kaatbang ni Mayor Labella.  Sa lalawigan, gihugonhugon nga ang makaatbang ni Gov Gwen mao ang D-D tandem (Durano-Davide).

Abangan!