_banat
^

Sa gihapon gamahanan ang radyo

MGA LAMAS SA KINABUHI - Fr. Rey Cui (Banat) - May 28, 2021 - 12:00am

Kini ang akong naobserbahan bisan gani ning panahon nga digital  nga kalibotan. Duna gihapo’y gahom ang radio. Kining maong kahimanan sa komunikasyon dako man og kahimoan labina gyud sa atong mga kaigsoonan nga nahikawan sa posibilidad nga makahupot og mga cellphones ug telebisyon. Ang radio maoy nahimong ilang kauban sa adlaw adlaw nila nga panginahanglan.

Kaniadto nakatrabaho pud ako sa radio, isip script writer. Mga tulo gyud to ka tuig kapin kun kulang.

Pressure man tuod ang trabaho, apan mapasalamaton ra gihapon ako sa maong kasinatian. Kini tungod kay daghan usab ako og nakat-onan.

Dinhi sa kasamtangan nakong parokya dunay local FM station ang Municipality of Alegria. Namugna kini sa panlimbasog sa mga sakop sa atong local government unit pinangulohan ni Mayor Verna Magallon, ug sa iyang kapikas ug bise nga si Doc Maggie inubanan sa mga sakop sa konseho. Gitawag kini og Ka Alegre FM ug anaa sa 91.3 sa dial sa inyong mga radio.

Bag-ohay pa lamang kining nagsugod. Mga hilisgotan sa politika ingon man serbisyo publiko, ug uban pang mga isyu ang ilang gihisgotan. Dili pa lang dugay akong gi-channel didto ang mga hilisgotan kalabot sa mga  habwaonon nga mga bukog.

Ug tuod man dunay  mga tawo nga nakabati gyud sa maong panawagan og niadto gilayon sa atong opisina.

Salamat ni Sir Jun Villamor nga nihatag nato og kahigayonan nga mopahibalo sa atong katuyoan diha sa kahanginan.

Sa laing bahin mahinungdanon kaayo ang radio sa atong kinabuhi labina gyud sa pagsabwag sa Pulong sa Dios.

Mas mahimong epektibo ug mas mahimong paspas ang pagsibiya niini ingon man ang paghimo sa matag panimalay nga makasinati niini bisan pa man kun wala sila makaadto sa parokya gumikan sa kahagip-ot.

Mao kini ang akong panghinaut nga sa mga adlaw nga moabot mamahimong mosibaw ang pag-ila sa usa lamang ka pagtuo dinhi sa katilingbang Kristohanon sa Alegria, Sugbo.

CELLPHONE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with