_banat
^

Banat Opinyon

Ilad

AMBOT LANG - Gerry Auxilio - Banat

Giilad sa China ang Pilipinas. Mao kini ang gisulti ni Jose Cuisia Jr., kanhi Ambassador sa Pilipinas sa Amerika. Giasoy ni Cuisia ang sugilanon sa kasabotan nga gisudlan sa Pilipinas ug China nga gipatung-an ni US Assistant Secretary of State Campbell.

Giasoy ni Cuisia nga dihang nagharong ang mga barko sa Pilipinas ug China sa Scarborough Shoal niadtong tuig 2012 mipatunga ang Amerika. Isip sulbad sa suliran mitanyag ang Amerika nga mamiya sa Scarborough Shoal ang Pilipinas ug China. Miuyon ang Pilipinas ubos sa kondisyon nga mouyon usab ang China.

Kay miuyon ang China, mibiya sa dapit ang mga barko sa Pilipinas sa pagtuo nga motuman sa kasabotan ang China. Wala mobiya sa dapit ang China.  Gisumbong ni Cuisia sa Amerika ang wala pagtuman sa China sa kasabotan. Misugyot ang Amerika sa Pilipinas sa paghatag og igong panahon sa China. Miuyon ang Pilipinas ubos sa kondisyon nga mobiya sa samang adlaw ang China nga mibiya ang Pilipinas.

Mipakli ang adlaw ug miligid ang buwan ug tuig hangtod karon wala gayod mipahawa ang mga barkong iggugubat sa China sa Scarborough Shoal.

Nahibulong si Cuisia nganong gibasol ni Presidente Rodrigo Roa Duterte si kanhi Foreign Affairs Secretary Albert Del Rosario sa pagkailog sa Scarborough Shoal. Si Cuisia nagkanayon nga kun may basolon si Presidente Duterte, dili si Del Rosarion kondili ang China nga wala motuman sa kasabotan. Apan sa sabot nga gipatong-an sa Amerika tali sa Pilipinas ug China, kinsa man ang nangilad sa Piipinas? Ang China ba o ang Pilipinas?

Kon atong tinambanon, dili lang ang China maoy nangilad sa Pilipinas, nangilad usab ang Amerika. Gilipat sa China ug Amerika ang Pilipinas. Kun tinuod pa ang pasalig sa Amerika nga miuyon ang China sa sabot nga pagbiya sa giilogan nga dapit, giinsister unta sa Amerika ngadto sa China nga tumanon niini ang kasabotan apan nagpakahilum ang Amerika.

Nailad ang Pilipinas sa duha ka higanting nasud. Ang leksiyon, dili bastabasta motuo sa duha ka nasud nga nagpakaaron-ingnon nga atong higala.

AMERICA CHINA PILIPINAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with