_banat
^
EDITORYAL - Dili magkumpiyansa

EDITORYAL - Dili magkumpiyansa

(Banat) - May 18, 2021 - 12:00am

Nikubos og maayo ang mga kaso sa coronavirus disease dinhi sa Sugbo sa nanglabay nga mga adlaw. Tungod niini, nakaginhawa ang mga tinugyanan sa panglawas ilabi na ang mga medical frontliners diha sa mga tambalanan.

Ang maong kalamboan napun-an pa gyud og laing maayong balita nga mao ang pagsige na og abut-abot sa mga nagkalain-laing bakuna ug gipaabot nga sa mosunod nga mga adlaw masugdan na ang lapad nga pagpamakuna sa tanan dili lang kadtong mga naa sa listahan sa mga prayoridad nga bakunahan. Kaning kalamboan naghatag og paglaum sa mga tawo nga dugay ng nagpaabot nga makabalik sa normal ang kinabuhi bisan og ubos pa sa gitawag nga new normal.

Wala pay klaro kun epektibo ba gyud ang bakuna, apan malaumon ang tanan nga magmalampuson ang tinguha nga mapakgang ang pagkatap niini sa komunidad tungod kay daghan na ang namatay sa maong sakit.

Gawas pa niana, nikamang ang mga ekonomiya sa nagkalain-laing nasud tungod kay walay bisan usa gobiyerno bisan ang mga adunahan ug modernong kanasuran ang makapangangkon nga preparado sila sa maong pandemiya, tanan nakurat gyud.

Apan samtang duna nay gamay nga kahayag, dili maayong magkumpiyansa ang publiko. Kinahanglan gihapon ang kanunay nga pagsunod sa mga health protocols nga gipatuman tungod kay nakita naman nga kun magkumpiyansa dako gyud kaayo og negatibong epekto.

Usa sa sanglitanan niini ang nahitabo didto sa New Delhi sa nasud sa India. Tungod sa kumpiyansa sa mga tawo kalit misirit ang gidaghanon sa mga kaso ug daghan  kaliboan ang nangamatay ilabi na sa ilang mga senior citizens ug kadtong mga masakiton.

Tungod sa kapaspas sa pagsaka sa mga kaso, gikilaban lang ang ilang mga medical supplies sama sa gikinahanglan kaayong oxygen aron lang masumpayan pa ang kinabuhi sa mga pasyente sud lang sa pipila ka adlaw.

Wala man tingali gusto nga mahitabo kini dinhi sa nasud, busa mintras wala pa sa sitwasyon nga magsugod na sab og saka ang mga kaso, mas maayong magmatngon gyud karon palang daan.

SUGBO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with