_banat
^
EDITORYAL - Face to face classes

EDITORYAL - Face to face classes

(Banat) - May 16, 2021 - 12:00am

Subling gituki sa nagkalain-laing sektor kining posiibilidad nga pagbalik na sa face to face classes sa mga tunghaan pribado man o pangpubliko sa sunod tuig. Kini bisan pa man og nagpabilin gihapon ang hulga sa pandemiya sa Covid-19.

Kini nitumaw luyo niining pagabot-abot na sa mga bakuna batok sa maong virus ug ubay-ubay na sab ang nabakunahan kadtong gikonsiderar nga prayoridad.

Ang mga prayoridad gibase sa exposure nila sa virus matag adlaw sama sa mga medical health workers ug ang kahuyang na sa lawas ug peligrong mataptan sa maong sakit ang mga senior citizens ug kadtong mga masakiton.

Lahi ra gyud ang klase sa pagtuon sa mga bata kun sila naa lang sa balay pinaagi sa modules o online classes kun itandi sa face to face classes sa tradisyonal nga paagi.

Apan base sa nahaunang mga report, walay labot sa prayoridad nga bakunahan ang mga batang nag-edad 18 paubos. Mosugot lang tingali ang mga ginikanan sa pagbalik sa face to face classes kun ang populasyon protektado na sa bakuna.

Karon palang daan, daghan nang mga ginikanan ang dili pa kombinsidong tugotan ang ilang mga anak nga pabalikon og face to face classes tungod kay dili pa tanan nabakunahan. Bisan gani sila wala pa sab mabakunahi. Sa pagkakaron, nakatutok ang pagpamakuna sa mga economic hubs, mga lugar nga dako og populasyon ug dunay daghang natala nga mga kaso sa Covid-19 sama sa Metro Cebu.

Tumong niini nga makabaton ang mga residente aning lugara og gitawag nga herd immunity.

Ang herd immunity nagpasabot nga kaning dapita makublan sa maong sakit pinaagi sa pagpamakuna. Ug malaumon sab nga tungod sa nangaging mga kaso nakamugna na ang mga lawas sa mga tawo og kaugalingong natural nga proteksyon o anti-bodies batok sa maong sakit.

Mahimo tingali kining face to face classes ngadto sa mga hilit nga lugar nga walay kaso o dili kaayo daghan og kaso sa Covid-19 kay kun sa mga dagkong siyudad peligroso pa gyud para sa mga bata.

Hangtud nga dili pa makab-ot kining herd immunity, magpabiling risgo ang kinabuhi sa mga bata ug sa ilang komunidad.

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with