_banat
^

Ang tim-os nga kaluoy ang dili kabayran nga kalipay

LABTIK - Alan P. Domingo (Banat) - May 14, 2021 - 12:00am

Usa ka sakop sa Cebu City Transportation Office CCTO ang nag-viral dili tungod sa dautang taras kon dili sa maayong binuhatan nga angayang kapanaminan sa tanan.

Sa video makita ang kaaghop ug kaluoy nga gipaambit sa traffic enforcer ngadto sa babayeng homeless nga nagyaka sa aseras kinsa iyang gipalitan og pagkaon ug tubig. Dili pa igo gihungitan pa niya kini ug gipainom sa mineral water.

Nakuhaan siya o video sa usa ka netizen nga naagi lang sa dapit samtang mihunong ang ilang sakyanan sa Sanciangco Street ug gi-upload sa social media nga nakaani usab og pagdayeg sa mga netizens.

Siya ang 55-anyos nga si Lanibeth Morales nga mas naila sa iyang mga higala nga Nolanz Woo Morales kinsa akong nahinabi. Matud niya nga sukad sa pag-igo sa pandemic mao na kini ang iyang gihimo sa mga tawo nga iyang maagian sa aseras ilabi na kadtong mga tawo nga adunay problema sa panglawas sama sa babaye nga iyang gihungitan.

Gihungitan niya kini tungod kay adunay deperensiya ang kamot sa babaye nga dili makahimo sa paghungit sa iyang kaugalingon ug gikinahanglan usab niyang patungabon sa tubig kay labaw na nga dili makadaug sa botelya.

Gawas mora’g naay deperensiya sa pangisip ang babaye, gani wala makaila sa pangalan sa babaye si Morales kay kong iya kining pangutan-on igo ra man mopahiyom.

Dili lang usa kon dili upat ka mga tawong aseras ang nahimo nang kabahin sa kinabuhi ni Morales kada adlaw nga gahinan niya og panahon ug gamay’ng kwarta nga iyang ipalit og pagkaon alang sa naasoy’ng mga tawo.

Lawon diay ang hinungdan niini dili lang ang pagpakabana kon dili nakita niya ang sitwasyon sa iyang inahan nga dakong masakiton nga dili niya madali dali og duaw didto sa Negros Oriental kay mahadlok siya nga magpositibo sa virus ug basin matakdan kini. 83-anyos na ang iyang mama nga gitagagalan na sa doktor og duha ka tuig nga mabuhi busa ang kasakit nga iyang gibati iya nalang gibubo sa pagtabang sa uban nga nagkinahanglan. Alang kang Lanibeth Morales, ang kaluoy ug ang pagkabana sa isig ka tawo nga dili maghuwat og balos maoy naghatag niya og tinuod nga kalipay.

Daghang mga tawo nga anaa sa kilid. Gani manguhit apan likayan sa uban ilabi na karong panahona kay pandemic mahadlok nga naay virus. Apan si Lanibeth wala niya baliha kini, inay mahadlok, gihangop niya ang iyang isig ka tawo ug gipakita ang iyang gugma kanila.

Saludo kami kanimo Ma'am Lanibeth “Nolanz Woo” Morales!

CCTO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with