_banat
^

Banat Opinyon

Kinsay nagpaluyo sa illegal nga STL

LINTUNGANAY - Fred Languido - Banat

Mokabat ngadto sa P10 milyones ang alkansi sa Philippine Charity Sweepstakes Office (PCSO) dinhi sa dakbayan sa Sugbo matag-adlaw.

Kini tungod sa operasyon sa mga illegal nga numbers game nga direktang nakigkumpetensiya sa lotto ug sa illegal nga operasyon sa mga small town lottery outlets kun STL.

Way gitugotan ang PCSO nga mooperate og STL outlet dinhi sa dakbayan busa ang tanang mga outlet nga inyong makita diha sa kabarangayan pulos illegal.

Si Mayor Edgardo Labella dugay nang mimando sa kapolisan nga hingusgan ang kampanya batok sa STL human ang kapitan sa Carreta mireklamo sa nagpadayong illegal nga operasyon diha sa iyang barangay.

Apan bisan sa pasiatab sa mayor nga iyang pangayoan og report ang kapolisan matag-semana, way pagkutat ang operasyon sa STL.

Matingala ka nganong way nahitabong dakop bisan dayag ug tataw ang operasyon sa mga STL outlets diha sa kadalanan.

Sa miaging adlaw mimando na pud ang mayor agi'g reaksiyon sa pamahayag ni PCSO chairman Royina Garma sa dakong alkansi sa iyang ahensiya tungod sa illegal nga mga STL outlets nga panggub-on kuno ang mga STL booths aron di na gyud mobalik sa operasyon.

Dili ang pagguba sa mga STL booths ang sulbad sa problema kun dili ang seryoso nga pagpatuman sa balaud.

Sayon rang ilisan ang mga booth kun dili dakpon ang mga nagpaluyo sa illegal nga operasyon. Ang pangutana, nganong gipasagdan man sa mga awtoridad ang nagpadayong operasyon sa mga STL outlets dinhi sa dakbayan?

Ang kaisog sa mga STL operator nga magpadayon sa bantang nilang operasyon bisan kun way pagtugot sa PCSO nagpasabot nga duna silay gisaligan.

Ug ang kapakyas sa kapolisan pagdakop nila bisan sa mando sa mayor maoy pruweba niini. Ang dakong tanghaga, kinsa may nagpaluyo sa maong illegal nga sugal?

Nganong bisan sa ka ngilngig ni Garma og koneksiyon sa Palasyo wala man mahadlok ang mga operator og STL     dinhi sa dakbayan sa Sugbo?

Hinaut nasayop mo sa inyong gihunahuna.

PHILIPPINE CHARITY SWEEPSTAKES OFFICE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with