_banat
^
EDITORYAL - STL sa Cebu City

EDITORYAL - STL sa Cebu City

(Banat) - May 12, 2021 - 12:00am

Karong bag-o, si Cebu City Mayor Edgardo Labella mimando nga ipatangtang na kining mga nagpasad nga mga small town lottery outlets (STLs) sa siyudad ilabi na kadtong mga naa sa mga sidewalks.

Ang iyang kamandoan resulta kini tingali sa pakigkita kaniya ni PCSO General Manager Royima Garma pipila ka adlaw na ang nilabay nga nipahibalo kabahin sa dakong alkanse sa ilang opisina gikan aning mga STL booths.

Kaning STLs legal kini kung nisunod pa ang operator pagbayad sa PCSO, apan gikan mismo sa baba ni Garma, siya miingon nga ang STL dinhi sa Cebu City wala nay kontrata, naputol na.

Nagpasabot nga dili na sila maka-operate, apan makapahibulong nganong mas midaghan man hinuon nga unta wala naman silay kontrata. Labaw nga makahibulong kay nganong walay aksyon ang kapolisan batok ani.

Matud pang Garma sa interbyu sa mga tigbalita, P8 milyones ngadto sa P10 milyones ang nawala kada adlaw gumikan aning mga ilegal nga STLs.

Kay inay lehitimong PCSO Outlets mopusta ang mga tawo, anha naman hinuon sa pwerteng daghanang STLs booths bisan sa pinakasuok nga bahin sa mga barangay.

Si Labella mimando sa Prevention, Restoration, Order, Beautification, and Enhancement (PROBE) Team alang sa pagdemolis sa illegal structures nga STLs, apan limitado ra ang ilang mabuhat, kato lang naa gibutang sa mga publikong dapit sama sa mga sidewalks, karsada, estero ang lang ma-demolis.

Kinsa may moguba ug moronda sa mga STL outlets nga anha gibutang mga pribadong balay o luna o sa mga suok-suok sa kabarangayan?

Kun dili sab kini rondahon, magpadayon ang alkanse sa PCSO ug sa siyudad kay mao ra ba ni kinadaghanan kaysa mga naa sa kadalanan.

Nakabalda naman sab gud sa agianan ning ubang mga estraktura, samot na sa mga hilit nga dapit sa kabarangayan problema kaayo kun dunay emerhensiya.

Gawas pa niana, grabe kaisog aning mga nagbutang aning mga STL booths nga kabalo man silang ilegal man ang ilang operasyon.

Kaniadto, tagotago ug ushers ray mamaligya’g numero, apan karon plastada na.  Grabeng insulto para sa mga tarong nga otoridad.

EDGARDO LABELLA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with