_banat
^
EDITORYAL - Bahad sa bag-ong PNP Chief

EDITORYAL - Bahad sa bag-ong PNP Chief

(Banat) - May 11, 2021 - 12:00am

You will hate me. Mao kini ang pasidaan sa bag-ong nilingkod nga PNP Chief nga si Lt. Gen. Guillermo Eleazar batok sa mga badlungong polis tungod kay iyang tutokan ang internal cleansing sa ilang organisasyon.

Kinahanglang tinud-on ug paspasan niya ang paghimo niini samtang si Pres. Duterte pa maoy pangulo sa nasud tungod kay daghan pang nahibiling mga badlongong polis hangtud karon.

Gani ning bag-ohay lang dinhi sa Sugbu, dunay tulo ka polis sa San Fernando ang girelibohan tungod sa alegasyong pagpanglugos og us aka dalaga.

Pipila na sab ka bulan, 13 ka polis sa Sawang Calero Police Station sa Cebu City ang girelibohan tungod sa pasangil nga sila nangilkil, torture ug ang usa kanila gipasanginlang nilugos pa gyud sa ilang dinakpan.

Maayong apilon sa palambuon ni Eleazar ang karakter sa iyang mga polis. Tungod kay dunay uban nga naghinobra kabangis ngadto sa mga sibilyan bisan sa mga ordinaryong sitwasyon nga makapasilo sa mga tawo kay gitumban na ang ilang katungod ug civil rights.

Apan sayop sab sa ubang tawo kay naanad nalang sab nga singhag-singhagan sa mga polis bisan wala silay gibuhat nga dautan ug bisan gitumban ang ilang katungod.

Dili sab ikalimod nga dunay mga polis nga di ganahan tubag-tubagon ug manghulga dayon. Dili sila komportableng dunay mga tawong mas nakahibalo kanila sa tawhanong katungod ug civil rights.

Tungod kay naanad naman sila nga mahadlok pirme nila ang mga tawo. Kay dunay mga tawong mahadlok butangbutangan og salaod samtang dunay uban nga wala masayod nga duna silay katungod ug sayop ang gibuhat sa mga polis.

Usa kini ka matang sa krimen ang paghikaw sa katungod sa mga tawo gamit ang kolor sa balaod.

Matudloan unta ni Eleazar ang mga ginsakupan bahin niini ug nga dili tanang tawo malapason sa balaod. Dunay uban maalamon lang gyud sa ilang katungod ug isip tigpatuman sa balaod makat-on unta pagtahod niini ang kapolisan.

Kay mao kini ang sagad hinungdan nga nangapriso ang mga inosente samtang ang tinud-anay nga mga nakasala nakaikyas sa hustisya.

GUILLERMO ELEAZAR
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with