Nganong nakasulod man ang drugas sa bilanggoan?

Kining mga gidiling drugas, asa man ni iagi pagpasulod ngadto sa atong mga bilanggoan? Sa kisame? Sa atop?Sa bongbong o bintana, o sa main entrance gayud sa bilanggoan? Ug kinsa man usab ang magpayuhot niini?

Didto sa kaulohan, mao usab, gikan gayud sa bilanggoan, tinagdaghan pa gyud nga drugas. Ngano man? Dunay drug manufacturer sulod sa bilanggoan?

Unya, dinhi sa ato, si Mayor Ed Labella mihulga nga kon dii masanta ang drug smuggling sulod sa bilanggoan, iyang wad-on ang binuwan nga allowances sa mga opisyales ug kawani sa BJMP.

Matud ni Labella: “I am reminding the BJMP personnel to not let their guards down in watching over the proliferation of drugs. We cannot tolerate that if that continues.”

Sa balita sa The Freeman: “ At least a million worth of illegal drugs, a pistol, and other contrabands were seized Thursday dawn during a joint greyhound operation conducted by the operatives of Bureau of Jail Management and Penology and Philippine Drug Enforcement Agency-7.”

Gimandoan ni Labella si City Legal Officer Rey Gealon paghimog pakisusi kon inquiry sa labing uwahi nga greyhound operation, nga kon ang imbestigasyon magpakita nga dunay conspiracy tali sa mga mga binilanggo ug sa mga personnel sa bilanggoan, “the city will not hesitate to file the appropriate charges.”

Sa gibutyag ni Jail Superintendent Jose Abueva, ang ilang operation, matud pa, yielded the following: 32 packs of suspected shabu with estimated value of at least P1 million, a .45 caliber pistol, one firearm magazine, 20 rounds of .45 ACP live ammunition, assorted drug paraphernalia, various bladed weapons, and other contrabands.”

Atong huwaton ang resulta sa imbestigasyon.

* * *

Ang Comelec naglaraw paghimo’g mga kausaban sa pangampanya ug pgbotar alang sa umaabot nga eleksiyon sunod tuig. Nalipay kita nga ang Comelec karon, naglaraw na unsaon pag-conduct sa umaabot nga eleksiyon taliwala sa pandemic.

Bitaw, kinahanglan idayon ang eleskiyon, despite sa atong kahimtang karon din ang coronavirus nagdumili pagbiya sa atong nasud, ug sa tibuok kalibutan.

Apan, nakahimo’g eleksiyon ang ubang nasud,sama sa America despite sa pandemic, nganong dili man kini mahimo dinhi sa atong nasud? Ang kuyaw ini, tingali unya’g himuon nga rason sa mga politiko  ang  pandemic pag-postpone o pagkanselar sa 2022 elections.

Nalipay kita nga ang Comelec karon, naglaraw na unsaon pag-conduct sa umaabot nga eleksiyon taliwala sa pandemic, nga mapatuman gihapon ang mga health standards.

Lisud baya ni, considering sa pagkabadlongon ug pagkagahi nato’g ulo. Matud ni Comelec spokesman James Jimenez: “Obviously, we can’t ban outright in-person campaign, but we will have restrictions.”

Lisud did-an ang “in-person” nga matang sa pangampanya.Bitaw, lisud did-ang ang paglamano unya, ang mass gathering, ang-ang og mangampanya ka uban sa tulo o lima lang ka tawo.

Kon magtapok ka’g ubay-ubay nga tawo, maglagyuay lang mo, aron matuman ang physical distancing? Lisud no?

Ang sugyot nga himoon og duha ka adlaw ang pagbotar, nagkinahanglan kini og dugang pagtuon, kay ang mga ballot boxes, matud ni Jimenez, kinahanglan dili mag-overnight sulod sa mga voting places. Ato ning ipadayon paghisgot sa sunod natong mga lindog.