_banat
^
Editoryal - Bayanihan Part 3

Editoryal - Bayanihan Part 3

(Banat) - May 8, 2021 - 12:00am

Dunay giduso karon nga balaudnon aron ipadayon sa paghatag og ayuda sa mga Pilipino karong panahon sa pandemiya. Ning panahona, gipaabot nga mawagtang na ang mga reklamo kalabot sa mga iregularidad nga nahitabo sa nakalabay nga duha ka hugna sa pagpanghatag sa ayuda. Sa Bayanihan to Arise as One Act o Bayanihan 3 nga gipanday karon diha sa Kongreso, wala nay bisan usa ka Pilipino nga dili makadawat og ayuda.

Aron wala nay samok ug walay makaingon nga dunay pinalabi o ba kaha dunay mga alegasyon nga dili patas ang gobiyerno, sa Bayanihan 3 ang tanan makadawat og parehas nga ayuda.

Ang Bayanihan 3 gipangandaman og P405.6 bilyones nga pundo matud pa nilang Rep. Sharon Garin ug Rep. Stella Quimbo nga sakop sa technical working group nga naghimo sa hiniusang Bayanihan 3 Bill.

Kung 110 ka milyones ka Pilipino ang mahatagan tanan, nagpasabot kini nga maapil niini ang mga bata. Ang pamilyang daghan og anak hayan maoy makadawat og mas dakodako nga ayuda, samtang kadtong uban nga gagmay lang nga pamilya mas gamay. Syaro og duna pa gihapoy mangreklamo kay tanan man makadawat. Ang nakaayo niini, dili tanan ang modawat sa ilang ayuda sama nalang sa mga adunahang pamilya. Mabalik ang pundo sa gobiyerno ug magamit sa ubang panginahanglanon kontra Covid-19.

Ang mga magbabalaod padayon pang nagtuki niining maong balaudnon. Maayo kini sanglit matawag nga kini patas ug nasubay sa Konstitusyon nga diin gigarantiya niini ang patas nga pagtagad sa balaod.Samtang dunay mga nagduda sa tumong niini kay basin og pahumot kini alang sa umaabot nga eleksyon, lisud kining sakyan sa mga tawo ilabi na niadtong mga nagkinahanglan og ayuda tungod kay nagrabehan sa pagtibugsok sa ekonomiya tungod sa pandemiya sa Covid-19.

Walay tarong nga tawo ang mokontra niini gawas nalang kung duna kini lig-ong ebidensiya nga ang pundo wala madawat sa tanan.

Kining Bayanihan 3 mohaom sa panultihon sa mga katiguwangan nga: “Mas maayong magsobra, nungka magkulang.”

AYUDA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with