Gustong kuhaon ang bahin sa inahan

Dear Atty. Divine,

Duna koy pangutana labot sa share sa akong mama gikan sa property sa akong lolo ug lola. Patay na ang akong lolo ug lola, patay na sad akong mama. Ang shares sa mga igsuon sa akong mama ila nang gipabaligya. Ang one share sa akong mama mao nalang ang nahibilin. Ang buyer sa shares sa mga igsuon ni mama miingon nga ipakuha na ang among share sa maong yuta, unsay angay namo nga buhaton aron pagkuha sa share sa among inahan? Daghang salamat.

Jun

* * *

Dear Jun,

Ang una ninyong buhaton mao ang pagpa survey ug pagpa-subdivide sa maong property aron pagkuha sa share nga intended para sa imong mama. Human niini magpirmahanay mo og Extrajudicial Partition with Sale uban sa mga igsuon sa imong mama nga diin ang pagbahin ibasi sa nalatid sa subdivision plan  ug i-submit kini sa BIR alang sa pagbayad og Estate Tax. With Sale ang buhaton  nga Extrajudicial Partition tungod kay gibaligya man ang shares sa ubang heirs.Mas maayo nga inyo kining lihukon karon kay kutob nalang sa  June this year ang amnesty sa Estate tax  so at least di mo makabayad og penalty. Dunay mga list of requirements ang BIR alang sa Estate tax ug dapat kini ninyong i-comply. Human sa pagbayad sa taxes sa BIR ug i-release na ang Certificate Authorizing Registration or CAR then that’s the time nga inyong i-process ang transfer sa tax dec ug sa title kun titulado ang property. Kun titled ang property dapat aprobado sab sa DENR ang subdivision plan. Thanks and God bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.