_banat
^

Nabakunahan na ko!

SENIOR CITIZEN - Antolin dela Serna (Banat) - May 7, 2021 - 12:00am

Wa ko magdahom nga mabakunahan ko this early tungod kay naghuwat sa ubang klase sa bakuna nga muabot pa, kay lagi, nanagana man ko nga bakunahan sa Sinovac gumikan sa daghang mga istorya nga kulang kini sa efficacy, ug kuyaw ang mga side effects.

Actually gipa-rehistro ko online sa akong mga anak, ug naghuwat na lang sa tawag, kay maoy ilang gusto nga dili madugay ang pagbakunaka nako, aron kono maka gawagawas na ko gikan sa balay.

Wa magpabakuna sa unang mga adlaw sa pagpamabakuna sa mga senior citizens. After all, wa man sad ko magdali ug wa pa man sad ko ma-schedule.

Nasuspenso ang pagpamabakuna sa mga senior citizens kay nahutdan sa vaccine. In fact si Mayor Ed Labella misulat sa kaulohan aron kabahinan ang dakbayan sa Sugbo sa umaabot nga mga vaccine.

Sa miaging Mayo 3, Lunes, gi-resume ang pagpamakuna sa mga senior citizen. Gikulbaan na sad ko. Ang akong mga anak miinsister nga, bisan og wa pa ko ma-schedule, mosuway lang kono mi’g adto sa Robnsons Galleria tingali og dili motunga ang uban nga na-schedule na.

Pagpadong namo ngadto, nangadye ko uy. Nangadye dili aron kabakunahan ko, kundili, aron nga balibaran ko.

Pagsusi sa akong mga anak, mahimo diay kay waka makatunga ang tanang na-schedule na.

Fill up sila sa mga form, ug miduol kami’g tulo upat nga lamesa, interview dinhi interview didto. Dinhi nagsugod na’g buto-buto ang akong dughan. Ang akong BP miabot na’g 140.

Gipalinya na ko padong sa final nga interview sa mga doctor, sa dayon nang sulod sa lawak, sa vaccination room. Maayo man gani kay smiling kaayo ang mga doctor, mga gwapa pa. Dali ra gyud kaayo ang pagturok, ambut pila lang to ka segundo. Nawala ang kulba kay human na man.

Katapusang lawak, ang monitoring, kaduha ko kuhai sa BP, ug kaluoy sa Dios, 120/80 perfect.

Nahuwasan ko. Unsa nga vaccine? Sinovac.

Nangadto mi sa Galleria mga alas 2:30 ug natapos ang tanan alas 4:30. Wa ko magdahom nga kabakunahan na ko.

Ug sumala sa akong nadunggan sa usa ka caller sa radio nga well organized kaayo ang pagpahigayon sa pagpamakuna, at least diha sa Robinsons Galleria ... tinuod ni.

Hapsay kaayo ug mga na-assigned didto, mga volunteers, mga ladies ug mga gentlemen kaayo.

Tan-aw nako maora man kadto og pan ray ilang snacks. Tagsa ka buok, ambot dun ba toy softdrinks o juice?

Pagkagabii, gibalita nga si Presidente Digong Duterte nagpabakuna na pud. Wa lang mahibawo si Duterte nga nagkadugang diay mi’g pabakuna, Lunes, Mayo 3.

Ang  Sinopharm nga vaccine nga gi-inject ngadto ni Duterte, adunay special permit, suma pa sa Food & Drug Administration (FDA).

Ato ning kutloon:“The country’s FDA has yet to approve the vaccine for emergency use. The Chinese-made jab has been restricted to compassionate use only in the Philippines.”

Hinumdoman nga sa niaging Pebrero giaprobahan ang application sa Presidential Security Group (PSG) alang sa usa ka compassionate special permit to access 10,000 doses sa Sinopharm vaccine.

Unsa man ning compassionate special permit?

Ang tubag sa FDA: “When you say compassionate special permit, it’s not an authorization given by the FDA. In this case, the head of the PSG hospital guarantees they studied the vaccine and they take full responsibility for it.”

COVID-19 VACCINE SINOVAC
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with