_banat
^

EO 17 ni Gwen makatabang, makalipay

JAV BANATI - Javier Tapulado (Banat) - May 7, 2021 - 12:00am

Unsa ba ang Executive Order 17 ni Cebu Gov. Gwendolyn ‘Gwen’ Garcia nga gusto niyang ipadayon sa pagpatuman sa tibuok probinsiya sa Sugbo nga iyang gipanginahanan? Ania ang unod:

Kining maong kamandoan gipanday alang sa mga Overseas Filipino Workers (OFW) ug Returning Overseas Filipinos (ROF).

Nakita man gud sa gobernador nga ang patakarang giimplementar sa National Inter-Agency Task Force (NIATF) sobra ra kahugot ug kabug-at.

Lalim bay, ang NIATF mimando sa tanang local government units (LGUs) nga ang manguliay’ng OFW ug ROF ipakuwarentina usa og lima ka adlaw ug sa ika-unom nang adlaw ipa-swab test.

Pero sa EO 17 ni Gob. Gwen nga iyang gipasunod sugod Marso 31, 2021, sa pag-abot pa lang sa mga OFW ug ROF, kinsa anha agi sa Mactan Cebu International Airport, kinahanglang ipa-swab test dayon.

Tapos ma-swab test, ihatod gilayon ngadto sa estarang hotel samtang magpaabot sa resulta. Kon ang resulta, negatibo, makapauli dayon ang OFW ug ROF sa ilang gikamingawang panimalay.

Ug kon aduna kanilay magpositibo sa COVID-19, dad-on kini ngadto sa giandam nga isolation facility. Nahunahuna ni Gob. Gwen ang kausik sa mga adlaw’ng paaboton sa OFW ug ROF ayha pa sila ma-swab test. Nga may dali mang paagi. Diin, makaminus pa sa galastohan ang gobiyerno.

Base sa Overseas Workers Welfare Administration (OWWA)’s data nga gihikyad sa gobernador, sa tulo ka adlaw’ng hotel accommodation, diin gibanabanang adunay 220 ka pasaherong papuy-on sa hotel, makagasto lang ang kagamhanan og P924,000. Kon maoy sundon ang iyang EO 17.

Samtang kon ang sa NIATF maoy tumanon, P2.264M ang mabayran sa OWWA ngadto sa hotel.

Ingon niini kadako ang deperensiya sa kantidad nga ma-save sa gobiyerno, tungod sa best move ni Gob.

Gwen, kinsa kanunayng naningkamot unsay kaayohan nga iyang matunol, dili lang sa mga Sugboanon, kondili, sa tibuok nasod.

Busa, thumbs up ko sa paghangyo-prangka ni Gob. Gwen ngadto sa tulo ka DOH Central Office consultant: “Ayaw ko hilabti kay dili ko motingog.”

Proven so effective man kining gihimo sa gobernador. Ang iyang EO 17 wala lang makatabang sa kagamhanan.

Nakalipay pa gyud sa mga OFW ug ROF nga manguliay. Unya, nganong pugngan man? Let her go!

GWENDOLYN GARCIA OFW
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with