^

Pasikat

AMBOT LANG - Gerry Auxilio (Banat) - May 4, 2021 - 12:00am

Bisan sa sukwahi nga tambag sa Food and Drug Administration (FDA), Department of Health (DOH) ug World Health Organization (WHO) gidayon gayud nila Kongresista Rodante Marcoleta ug Kongresista Mikey Defensor ang pagpanghatag sa ivermectin nga tambal sa bitok ug kuto sa hayop nga ilang gituohan nga tambal sa virus nga COVID-19.

Sa wala pa ang adlaw sa pagpanghatag og ivermectin ngadto sa mga tawo, gipasalig sa duha ka kongresista nga kadto lamang nakapakonsulta na sa doktor ug adunay resita o prescription nga gikan sa ilang doktor ang hatagan og ivermectin.

Si Defensor miingon nga ang wala makapakonsulta sa ilang doktor puwede ra moduol kanila aron makapakonsulta sa mga doktor nga ilang dala ug aron usab mahatagan og prescription.

Apan sa adlaw sa ilang pagpanghatag sa ivermectin ang resita o prescription nga gihatag sa dala nilang doktor gisulat lamang kini sa ordinaryong papel.

Wala kini gisulat sa prescription pad nga maoy gisita sa balaud. Ang prescription walay pangalan sa doktor ug ubang circumstances sa mga doktor nga naghatag niini samtang ang mga gihatagan og ivermectin gipapirma og waiver.

Sa tinamban nato nga pagsabot nanghunaw sa ilang responsibilidad ang mga doktor ug ang duha ka mga kongresista nga sila si Marcoleta ug Defensor.

Giinsister sa duha ka mga kongresista nga tambal sa covid-19 ang ivermectin bisan pa man sa pamahayag sa FDA, DOH ug WHO nga wala pay kongkreto nga ebidensiya nga nagpakita nga tambal sa COVID-19 ang ivermectin nga tambal.

Bisan ang duha ka kongresista dili kumbinsido sa ilang kaugalingon nga ang ilang gipanghatag tambal human nila gipapirma og waiver ang ilang gipanghatagan.

Nagtago usab ang mga doktor nga gi-hire ni Marcoleta ug Defensor human maghatag og resita o prescription nga wala ang ilang pangalan.

Maayo lang magpasikat sila si Marcoleta ug Defensor pero dili mangangkon og responsibilidad.

FDA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with