^

Squid tactics ang gigamit

BALITAHOM - Atty. Jose Marie N. Poblete (Banat) - May 2, 2021 - 12:00am

Miawhag ang PhilHealth sa publiko sa pagbutyag kon adunay mga insidente diin ang mga healthcare providers modeklarar nga COVID-19 ang kaso bisan usa lamang kini ka yano nga sakit aron lamang makakuha’g dako nga bayad. Daw naghilas-hilas ang PhilHealth ni’ng ilang panawagan. Giimbistigar na gani sila kalabot sa giingon’g P15 bilyones nga nasurikbot sa ilang panudlanan. Ginaingong nga “Kon basolon mo ang uban sa imong kasaypanan, gawas nga wala ka’y makat-onan, bulay-og ka pa gayod sa imong binuhatan”. Squid tactics ang Philhealth. Fezteleern!

Pakyas kay way pangandam

Giingon nga ubay-ubay na sa mga estudyante ang miundang sa ilang pagtoon gumikan sa suliran sa kakulang sa gadget o di ba kaha sa kahinay o walay internet connection.  Dili ikahibulong ang maong balita.  Ang kahibudngan mao ang pag-insister sa DepEd sa pagpaghigayon sa online classes nga walay pagpangandam sa solusyon sa maong dayag ug daan na’ng nahibaw-an nga suliran.  Haum sa DepEd ang panultihon nga, “Ang kapakyasan kanunay’ng manuktok sa pultahan sa mga wala makapangandam”.  Baya no!

Undangon na ang gibuhat

Miangkon ang kagamhanan nga daghan pa ang angayan’g buhaton aron matubag ang suliran sa kagutom nga nahiaguman sa katawhan atol sa pandemiya.  Sa survey sa DOST nasayran nga 62% sa mga Pilipino nakabatyag kakulang ug walay kaseguroan sa ilang pagkaon.  Apan,nagtoo ang akong higala nga wala’y angay buhaton ang kagamhanan; hinunoa undangon nila ang ilang gibuhat nga mao ang pagpangawkaw sa pundo nga alang unta sa katawhan ni’ng panahona sa pandemya.  Matud pa bitaw nila, “Kon ang pulong “CON” ka-atbang sa pulong nga “PRO,”maingon ba nato nga ang “CONGRESS” ka-atbang usab sa “PROGRESS”?  Madahaaan!

Walay nakat-onan

Gisaway sa historian nga si Jobers Bersales ang pakigpulong ni Sen. Bong Go atol sa selebrasyon sa “Kadaugan sa Mactan” sa pag-ingon nga kini kataw-anan ug subô palandungon tungod kay kulang kini sa halawom nga panuki-duki.  Adunay panultihon nga nag-ingon, “Ang pagtulon-an nga gitudlo kanato sa kasaysayan mao nga walay tawo nga nakat-on sa mga pagtulon-an nga gitudlo sa kasaysayan”.  Tinuod usab ang panultihon nga, “Ang tinta nga gigamit sa pagsulat sa kasaysayan adunay kinaiya o timaan sa pagpihig og kamadapigon”.  Lalis gihapon ‘ta bisan walay usa kanato nakasud-ong sa tinuod nga panghitabo.  Saoonz!

Politiko na’y moplano

Mipabuhagay si Cebu City Vice Mayor Michael Rama sa iyang kasagmuyô ngadto sa DPWH sa ilang Mambaling Underpass Project diin gihinganlan niya kini nga usa ka “estupido” kon binugô nga proyekto.  Ang maong proyekto gitumbok nga hinungdan sa bahâ ug trapik sa naasoy’ng lugar.  Matud pa sa akong higala’ng enhinyero, “Ning panahona diin ang mga politiko na ang magbuot ug maoy moplano sa mga proyekto, inay mga enhinyero, magdahum na lang kita mga modaghan pa ang mga “estupido” nga proyekto”.  Pagkatoytoy!

PHILHEALTH
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with