Overtime work
Dear Atty. Divine,
Nagtrabaho ko sa usa ka company ug tungod sa pandemic ilang gi-retrench ang ubang employees. Tungod niini, gamay nalang mi nga nahibilin nga trabahante og kanunay mi nila nga patrabahuon og overtime. Usahay kapuy na kaayo. Ang akong pangutana, mapugos ba mi sa pagtrabaho og overtime? Daghang salamat. — Cathy
* * *
Dear Cathy,
Basi sa Article 83 sa atong Labor Code, ang empleyado obligado nga motrabaho sud sa walo lang ka oras matag adlaw. Kun mosobra sa 8 hours ang iyang trabaho dapat bayran na siya sa overtime pay sa employeer kun dunay pagtugot sa kompaniya ang iyang pag overtime.
Sa imo nga kaso, gi require mo sa pag render og overtime work tungod sa kakuwang sa empleyado sa company. Basi sa Article 89 sa atong Labor Code, ang employee mapugos sa pag overtime work kun dunay emergency sama pananglit nga ang nasud anaa sa state of emergency or dunay nahitabong gubat, or kinahanglan ang pag overtime work to prevent loss of property, or dunay urgent nga ipatrabaho ang company nga kinahanglan gyud nga humanon, or aron pag-prevent sa loss or damage sa mga perishable goods, o ba kaha dunay tiwasunon nga trabaho nga kinahanglan gyud nga tapuson aron di kini makabalda or to prevent serious obstruction. Mao kana ang mga sitwasyon nga mapugos ang empleyado sa pag-render og overtime work.
Sa imo nga kaso kun moabot ang time nga kapoy na ang lawas sa pagsige og overtime suwayi og hangyo ang inyong kompaniya nga i- alternate lang ang overtime work aron kamo makapahuway apan kinaganglan gyud nga mobayad og overtime pay ang company. Thanks and God Bless.
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest