Ihatag ang house and lot sa anak

Dear Atty. Divine,

Duna koy house and lot nga gusto nako nga ihatag sa akong anak nga bag-o lang naminyo.

Titulado ang property nga nakapangan nako. Unsay akong buhaton aron ma-transfer ang title sa name niini ngadto sa akong anak? Daghang salamat.

Linda

* * *

Dear Linda,

Kun imong ihatag ang maong property  sa imong anak, kinahanglan ka nga mo execute og Deed of Donation in favor sa imong anak.

Kun ang imong intention  ang  magtiayon ang hatagan sa house and lot ang ilang duha nga pangan ang imong ibutang sa Deed of Donation ug kinahanglan sad nga dunay ilang acceptance ug notarized ang maong dokumento.

Human niini, inyong ipa-compute sa BIR ang donors tax ug bayran. Dunay list of requirements ang BIR nga dapat ninyong iapil sa pag-submit kanila ug inyo gyud kining i-comply.

Sa higayon nga aduna na moy Certificate Authorizing Registration or CAR sa BIR, inyong i-process ang pag-transfer sa tax declaration ug title niini ngadto na sa name sa imong anak. Thanks and God bless.

Atty. Divine

* * *

Alang sa inyong pangutana, palihug  lang sa pag email sa [email protected] ug akong tubagon ang inyong pangutana pinaagi  sa akong column matag Miyerkules, Sabado ug Domingo.