^

Community pantry sa PNP

LABTIK - Alan P. Domingo (Banat) - April 23, 2021 - 12:00am

Kong init ang issue sa red tagging sa mga nagpasiugda sa community pantry sa kaulohan kay lagi posibleng nalambigit sa walhong grupo, lahi dinhi sa Sugbo kay mismo ang kapolisan misuporta sa adbokasiya nga pagtabang sa mga nagkinahanglan. Ang Regional Community Affairs Division sa Police Rregional Office-7 kauban ang kapolisan sa lungsod sa Liloan ang mipasiugda og community pantry didto sa Barangay Cotcot. Mga lagutmon, utanon, itlog ug ubang mga panginahanglan apil na gani ang facemask ilang gi-display nga gihangop sa mga tawo nga nakasinati og kalisdanan gumikan niining nasinati nga pandemiya.

Sumala ni Colonel Regie Real, ang pangulo sa RCAD-7, nga sinugdanan pa lang kini diin gikatakda usab silang mobukas og laing pantry sa ubang dapit.

Maayo ang gihimo sa atong kapolisan dinhi diin gisabayan nila ang gihimong pagtabang sa mga sibilyan nga makakabig sa mga tawo nga moduol kanila.

Ingon unta niini ang gihimo sa mga pulis didto sa Quezon City nga imbis i-profiling ang mga organizers gumikan lang sa mga pagduda, mihimo nalang unta sila og susamang programa. Wala na unta sila nakamugna og kahadlok niadtong mga nagpakabana sa mga naglisod nga mga kaigsoonan nato. Naunhan hinuon sila sa ilang mga kabaro dinhi sa Sugbo. Kong wala ko masayop ang kapolisan dinhi ang unang mihimo sa inisyatiba. Hinuon dili man contest ang pagtabang busa naa pay dakong panahon o unlimited time sa pagtabang sa mga tawo. In fairness, ang pangulo sa PNP nga si General Dibold Sinas miklaro nga walay kamandoan gikan niya nga hilabtan ang mga tawo nga nagtabang sa isig ka tawo.

Nag-sorry naman hinuon ang hepe sa Quezon City sa gihimo sa iyang mga tawo nga nag-profiling sa pantry organizer sa Maginhawa human usab mihatag og all out support ang LGU sa Quezon City. Kong dunay mga katahap nga ang mga kontra sa gobiyerno ang nagpaluyo niini, the best nga himoon ang paggamit sa susama nga inisyatiba aron ialkontra sa mga walhon. Uso kini karon ug kong ang PNP ang maghimo og pantry, daghan gyud mosuporta nila nga dagkong tawo o negosyante seguradong masustineran o molahutay ang pagtabang nila sa katawhan.

Gawas pa maseguro gyud ang minimum health protocol kay magkinto man ang mga tawo sa pagpabadlong, wala nay mangharbat sa mga display sa pantry.

Nindot tan-awon nga nagkahiusa ang mga sibiliyan ug mga otoridad sa pagtabang sa mga tawo. Magpaabot ko sa ubang ahensiya sama sa AFP sa ilang community pantry.

PNP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with