Gabii sa mga balaan

Ning panahon sa pandemiya murag malisud gyud alang kanatong tanan nga mga aktibo kaayo sa Simbahang Katoliko nga mohimo og kalihokan nga supak sa IATF.

Kining maong kamandoan maoy nagdili sa kadaghanan nato nga magtapoktapok ug uban pang mga kalihokan. Mao nga sugo sa dakong pagtagad sa kaayohan sa tanan, nisunod gyud ang tagasa taga kanato sa mga kamandoan sa IATF dili lamang sa atong personal kondili sa kinatibuk-ang kaayohan.

Mao nga dinhi sa among parokya ang tanan gihimo namong virtual. Mao nga imbis dunay gabii kuyog ang mga kandidata nga magtigi sa kaanyag among gihimo kining gabii alang sa mga balaan diin ang mga santos gihimong modelo sa matag batan-on nga nitambong sa saint ka look-alike nga pamaagi. Sa ilang pagpaso gihimo pud nga mosulti sila sa mga popular kaayo nga panultihon sa maong mga santos.

 Mga panultihon nga maghatag og kadasig kanato  nga naminaw lamang niini.

Matag tawo dunay tawag. Ang tawag sa kadaghanan naglangkob ning mosunod:

1.Tawag sa paghigugma. Dili lang kini mahitungod lang sa gugma sa manag-uyab kondili ang gugma nimo sa imong kaugalingon ingon man ang imong gugma sa uban.

2. Tawag sa pagkabalaan. Dili lamang kini kalabot sa mga pari, madre o relihiyoso kondili tawag man kini sa pagpuyo sibo sa kabubut-on sa Dios ang kinabuhing balaan nahitabo tungod kay imo man kining gipili. Nahitabo kini tungod usab kay gitugotan sa hingtungdan nga molihok ang grasya sulod sa iyang kaugalingon.

3. Let yourself be yourself and Let God be God mao nang pulonga.

Sa atong panaw sa kinabuhi nahimong  mahinungdanon kaayo ang pagpuyo subay sa dalan nga iya sa kahayag ug dili ang dalan nga iya sa kangitngit. Ning maong paagiha nahimong mas lantap ang dagat sa pakiglambit labina kun malipayon kitang nihatag sa atong kaugalingon alang sa Dios ug sa uban.

Sigpit man tuod ang dalan padulong sa kabalaan, apan wala pud kini magpasabot nga imposible kining mahitabo.