^
EDITORYAL - Gamayâng kortesiya

EDITORYAL - Gamay’ng kortesiya

(Banat) - April 17, 2021 - 12:00am

Kinsa may dili gusto og kalamboan, ilabi na kung kini libre ug dili makapagawas og kwarta sa bulsa unya dako og matabang sa mga tawo? Apan bisan pa og libre kinahanglan sab tingaling pahibaw-on kung kinsa ang mga tagbalay nga maapektahan, dili ba mao ni ang kortesiya? Ning bag-o, si Cebu City Mayor Edgardo Labella nakurat nalang sa dihang gianunsyo sa Department of Public Works and Highways nga duna kini tukorong duha ka mga flyovers ug usa ka underpass sa  hurisdiksyon sa siyudad.

Kung tinuod ang mga balitang nanggawas, uwahi nang nakahibalo ang siyudad bahin sa maong mga proyekto sanglit giingong ang unang giduol o gikonsulta sa maong departamento mao ang mga maapektahang mga balay patigayon. Giingong magtukod og flyover gikan sa Osmeña Boulevard ngadto sa Leon Kilat Street, ug laing flyover sab sa N. Bacalso Avenue ngadto sa V. Rama Street,  ug underpass sa usa ka bahin sa South Road Properties ngadto sa Mambaling road junction.

Hinuon giingong naa pa sa pagtuon ug survey ang DPWH-7 ug buhaton pa ang detalyadong desinyo sa maong mga proyekto o gitawag nga detailed engineering design (DED). Wa man tingali mawala kun mopakita og gamay nga kortesiya ang DPWH sa kagamhanan sa siyudad pagabiso daan bahin sa ilang mga planong buhaton. Mas maayo kun gikonsulta og sayosayo ang lokal nga kagamhanan sanglit ila kining hurisdiksyon ug konstituwente sa siyudad ang maapektahan.

Tinuod hurisdiksyon sa DPWH ang Cebu City ubos sa nasudnong gahum, apan ang mga lokal man nga opisyales sa siyudad maoy rumbohon sa mga maapektahan.

Maayo nga kinaiya ang mananghid una sa tagbalay una mosulod. Ilabi na nga kining klaseha sa proyekto dili lang mga establisamento ug mga residensiya maoy matandog, apil sa maapektahan ang dagan sa trapiko.

Wala man sab tingali traffic enforcers ang DPWH aron ipadala sa dalan Colon o sa dalan Ramos kun pananglitan ang ilang proyekto sa Leon Kilat nakabalda sa trapiko.

Kini nga mga proyekto dako gyud og makuhang benepisyo ang mga Sugboanon kung ang katuyoan niini pagsulbad sa problema sa trapiko ang mao gyuy mahitabo.

EDGARDO LABELLA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with