^
EDITORYAL - Bikes lanes sa Transcentral Highway?

EDITORYAL - Bikes lanes sa Transcentral Highway?

(Banat) - April 14, 2021 - 12:00am

Dunay mga panawagan karon nga pabutangan og bike lanes ang Transcentral Highway alang sa kaluwasan sa mga siklista.

Maayo ang maong tumong kay para man kini sa kaluwasan sa mga magbisekleta ilabi na nga karong mga panahona daghan na kaayo ang mga nahilig sa bisekleta.

Gawas nga gamit kaayo kini nga alternatibong transportasyon, daghan na sab kaayo ang mga nahilig niini aron mag-ehersisyo ug sa paugnat sa kusog.

Apan sa pagkakaron, ang kasamtangang gilapdon sa transcentral highway nga nagkonektar sa Cebu City ngadto sa Balamban sa kasadpang bahin sa lalawigan sa Sugbu, apiki kaayo tungod kay two-lanes ra kini nga dalan.

Gawas pa, daghan kaayong kurbadahon ug subidahong bahin ang maong 33 kilometrong dalan gikan sa Plaza Housing sa Brgy. Lahug sa Cebu City ngadto sa Barangay Prenza sa  Balamban, ang uban ani mga accident prone areas diin daghan na ang nadisgrasya nga miangol ug mikalas og mga kinabuhi.

Apan bisan sa pagka-notoryus na sa mga aksidente sa maong dalan kinaham gihapon kini nga destinasyon sa mga siklista, riders ug bisan sa tawong adunay sakyanan nga gustong mohanggab og preskong hangin sa kabukiran.

Sagad sa mga aksidente naglambigit sa sobrang pagpakusog og padagan sa mga motorista sa lugar, peligro kaayo dili lang sa mga residenteng nagpuyo sa kilid sa highway kondili hasta sa ubang nigamit sa karsada.

Usa sa mga mas angay nga unahon mao ang pagdugang pa og mga cautionary signages, directional signages, ug 24/7 nga pagmentinar sa kaluwasan sa mga motorista. Sunod ang pagpalapad niini pinaagi sa pagdugang og duha ka lanes aron mabutangan og bike lanes ang usa ka bahin sa karsada.

Lisud-lisod gyud hinuon kining buhaton apan dili imposible kay nahimo man nila kini kaniadto nga kalasangan pa ang kabukiran.

Mas paspas pa gani tingali ang paghimo niini tungod kay dili na lisud ang paghakot sa materyales.

Ang pangutana kung  kinsa kahang Sugboanong lider ang modawat sa maong hagit? Nga mohago pagpangita og paagi aron kini mabuhat.

BIKE LANE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with