^

Dili tanang kahilom balaanon

MGA LAMAS SA KINABUHI - Fr. Rey Cui (Banat) - April 14, 2021 - 12:00am

Gihatagan nato og bili ang kahilom. Sa kahilom nagtuo kita nga makita nato ang Dios. Sa kahilom nagtuo kita nga haom kini sa maampoong kahigayonan.

Apan dunay kahilom ug mga hilumon nga dautan ug makadaut ngadto sa uban. Diha sa ilang paghilom nahimo sila og mga pamaagi kun unsaon nila pagpakuyanap sa mga kadaut ngadto sa ubang mga tawo.

Sama pananglit nga kun magtigom ang usa ka pundok nga dili na gani maantigong mopahibalo sa ilang labaw. Sekreto para bibo.

Ang ilang gisaligan imbes motuman kun unsay nasabotan ang nahimong maluibon sa gisabotan kini tungod kay gigambalay nila ang mga lakang sa pagdaut ug sa paglaglag.

Kay ang mga dautang tawo mohimo gyud og mga laraw sa panlimbong diha sa kangitngit.

Ug ang mga gilaw sa ilang mga mata motug-an man kun unsa sila kadautan ug kamalisyoso. Mga tawong dunay gilukdo sa ilang mga ulo.

Mga tawo nga nagtuo nga sila linain ug mga pinili tungod sa pagtuo nga gikunsaran sila sa gahom nga iya sa Dios.

Ang nakapait mao man nga sa dihang sila buot mopamatuod sa ilang katakus sila naman hinuon mangita og pamaagi aron sa uban sila makapahimulos.

Ang pagbudhi wala maggagikan sa atong mga kaaway. Kasagaran nagagikan sa sulod sa atong suod nga mga higala o dili ba kaha kabanay. Dili ba sakit palandongon?

Abi nimo nga ang ilang paghilom pag-uyon sa imong mga laraw ug gilauman apan ang maong paghilom diay usa man ka dakong kantalita sa imong kawalay alamag kun unsa sila kamalimbongon.

Bisan gani ang tawong matinabangon kuno, mahimong kadudahan pa gayud. Kay ang maong pagduda makatabang aron mamahimo kang mas mabinantayon ug makaamgo sa mga posibleng mahitabo.

Mao tingali nga hangtod karon nahimong daw sa hilom kaayo ang namunoan tingali baya og nahimong sama sa ubang mga hilumon siya usab nahimong mabudhion? Ambot lang.

GOD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with