^
EDITORYAL - Dili pa panahon

EDITORYAL - Dili pa panahon

Ian B. Melecio (Banat) - April 8, 2021 - 12:00am

Daghan ang naghinamhinam nga mas maluagluag pa og gamay ang restriksyon dinhi sa Dakbayan sa Sugbu. Usa niini ang paglibkas na sa liquor ban ug ang pagbalik sa operasyon sa mga buwangan.

Daghang nagsalig ani nga matang sa patigayon, apan tukma na ba kaha ang panahon para ibalik kini tungod kay nimenus na ang mga natalang bag-ong kaso?

Kinahanglang lantawon una sa mga opisyales sa lokal nga kagamhanan kung mahimo na ba kini nga ibalik, kay basin unya og mao hinuon kini mamahimong hinungdan sa pagbalik og saka sa mga kaso.

Wala pa raba mabakunahi ang tanan.

Makita man nga bisan gani kadtong mga nag-amping ug nagsunod sa mga health protocols masipyat man gani ug nangatakdan, unsa nalang kaha ang magtapoktapok sa mga buwangan?

Husto ang pamahayag sa Department of Health mahitungod sa mga panawagan nga libkason na ang liquor ban ug ibalik na ang operasyon sa mga buwangan, kay dili pa panahon.

May adlaw pang umaabot nga diin luwas na para sa tanan ang pagbuhat sa mga naandan, kinahanglan lang magpaabot.

Kana kun hingpit ng makontrolar ug dili na maisip nga hulga ang coronavirus disease.

Apan samtang wa pa kini mahitabo, mas maayong maglikay lang una aning mga kalihokan nga magbutang sa  tawo sa risgo nga matakboyan sa virus.

Si Cebu City Mayor Edgardo Labella mihangyo sa mga gusto niini nga hatagan pa og usa o duha ka semana gikan karon, ayha pa siya modesisyon kun tugotan ang maong hangyo.

Tinuod dako na kaayo ang nahimong di maayong epekto aning COVID-19 sa katawhan. apan naleksiyon na sab unta ang mga tawo aning maong epekto ug di na isugal pa ang tsansang makontrolar sa hingpit kining virus.

Sayo pa kaayo aron mokumpiyansa nasab ang mga tawo. Kun dili magpapugong ang mga tawo, hayan magbalikbalik lang kining kalisdanang nasinati sa tanan karon.

SUGBU
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with