^

Politika taliwa sa pandemiya

LINTUNGANAY - Fred P. Languido (Banat) - April 8, 2021 - 12:00am

Nitumaw ron ang debate luwas ba ang paggamit sa ivermectin isip tambal sa COVID-19 human iduso ni Anak-Kalusugan Partylist Michael Defensor ang pagpanghatag niini taliwa sa pagsulbong sa mga kaso sa COVID didto sa kaulohan.

Nagtuo siya nga ang maong tambal maoy tubag sa pandemiya busa buot siyang ihatag ni nga libre sa publiko.

Gani duna nay pipila ka mga politiko didto sa kaulohan nga gikatahong nanghatag niini uban ang dako nilang pangalan ug hulagway sanglit hapit na ang eleksiyon.

Gipahimuslan sa mga garapal nga politiko ang kadesperado sa katawhan niining panahon sa pandemiya.

Pipila sa akong mga higala dinhi sa Sugbo nga nakasinati og simtomas sa sakit sekreto pud nga migamit og ivermectin nga ilang nakuha gikan pud sa ilang mga kaila.

Wa pay baligya niini diha sa mga botika sanglit way pagtugot gikan sa Food and Drugs Administration (FDA) ang pagbaligya niini.

Wala pa say pruweba gikan sa mga eksperto nga momatuod nga makatambal sa COVID ang ivermectin.

Gani ang mga eksperto sa medisina mipasidaan nga ang dili husto nga pagtumar niini makahatag og kadaot sa utok nga posibling moresulta sa kamatayon.

Ang pangulo sa FDA dinhi sa nasud nga si Usec. Eric Domingo miingon nga way lisensiya gikan nila ang maong tambal.

Ang ivermectin nga gitugot nga ibaligya dinhi sa Pilipinas mao lang ang mga produkto alang sa hayop.

Ang ivermectin usa ka "anti-parasitic" drug alang sa mga hayop.

Apan posible sab nga magamit sa tawo kun dunay pagtugot sa doktor.

Ang pangutana, asa man mapalit ang ivermectin alang sa tawo kun wa ni itugot sa FDA nga ibaligya sa mga botika?

Dunay proseso nga gitawag og "compounding." Dili tanang botika dunay lisensiya paghimo niini.

Kadto lang mga botika nga dunay pagtugot sa FDA ang makahimo sa proseso aron pagmugna sa maong klase sa tambal sigun sa resita nga ihatag sa doktor ngadto sa pasyente nga nagkinahanglan.

Ang botika magtamod sa resita sa doktor sa dili pa mohimo sa "compounding" tungod kay didto gilatid pila ka miligram ug pila ka kapsula lang ang mahimo nilang ibaligya.

Dili mahimong magbuhat og sobra ang botika og ibaligya kun walay pagtugot gikan sa doktor.

Busa ang plano ni Defensor nga yanong ipanghatag ang ivermectin sa publiko sama sa ordinaryong tambal sa hilanat dili makaayo sa katawhan.

Tataw nga usa ka matang sa pamolitika nga wala sa hustong lugar. Iyang gibutang sa peligro ang kinabuhi sa publiko alang sa personal ug political niyang interest.

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with